Çĕннисем

Мӗншӗн хӑйне ытла та чаруллӑ, тӑптӑм тытса, пӑрӑнса ҫӳрет?
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Полина тӗлӗнчӗ: мӗнле-ха капла унӑн юратнӑ тантӑш арҫын ача кӗтмен-туман ҫӗртен сӑлпӑрккаланса, сӳрӗнкӗленсе улшӑнса кайрӗ?
Куҫарса пулӑш

Ҫапла Ула Тимӗр, «тунана та ларма ӗлкӗреймен ешӗл калчаллах» тӗпсӗр тарӑн шухӑшлав, йывӑр хуйхӑ-суйхӑ «пуслӑхӗпе» пусӑрӑннӑскер, хӑех «хӑпартса хучӗ» хӑйпе Полина хушшине мӗскӗнлӗх, сумсӑрлӑх «хӳмине».
Куҫарса пулӑш

Вӑл, хӑйне хӳтӗсӗр, ят-сумсӑр юлнӑ ача вырӑнне картса, Полинаран вӑтанма пуҫларӗ, ӑна куҫран пӑхма та, унпа выляма та хӑймарӗ.
Куҫарса пулӑш

Шкулта та Ула Тимӗр тӗссӗр, чӗлхесӗр янаварах ҫаврӑнчӗ, тейӗн.
Куҫарса пулӑш

Юрать-ха хирӗҫ хурӑнташӗсем, пускилӗсем, кукамӑшӗ ачасене хӑйсене тӑлӑх халлӗн туйма памарӗҫ: вӗсене пӑрахмарӗҫ, пултарнӑ таран, ӗҫпе те, татӑк ҫӑкӑрпа та пулӑшрӗҫ, куҫҫульленсех шеллерӗҫ, йӑпатрӗҫ, чун кӳттермӗш ҫын ҫиен Гитлере ылханса, чун-кӑмӑлпа ҫирӗпленме, пурнӑҫра малалла талпӑнма чӑтӑмлӑх сунчӗҫ, ҫак ачасене вутне панине шывне те парах, тесе Турӑран пулӑшу ыйтрӗҫ.
Куҫарса пулӑш

Хӑйне начара хурса, Ула Тимӗр ӗнтӗ малтанхинчен те ытларах нимӗрӗлсе, пӗчӗкленсе тӗксӗмленчӗ.
Куҫарса пулӑш

Ахаль мар пулӗ ҫав пиллӗхсӗр пуличчен чунсӑр пул, теҫҫӗ.
Куҫарса пулӑш

Ачан самантрах шалти «ҫунаттисем шартах хуҫӑлчӗҫ», ӑшчикки пушанса юлчӗ, ҫут тӗнче те уншӑн халӗ сӳннӗ вучахри сивӗ кӗле ҫаврӑнчӗ.
Куҫарса пулӑш

Пуш уйӑхӗн вӗҫӗнче, алтатти тӗлнелле, кӑчкӑ папкисем тӑртаннӑ, ҫутӑ хӑмӑр тӗспе витӗннӗ кунсенче, Ула Тимӗр амӑшӗ — унӑн тӗп тӗревӗ, чи шанчӑклӑ тӳртӗшӗ — ҫӗре кӗчӗ.
Куҫарса пулӑш

Ула Тимӗршӗн пурнӑҫ ҫути самантрах тӗксӗмленсе ларчӗ: ҫитӗнсе ҫитнисен ӑс-тӑн шайӗпех мар пулин те, шалти ҫутҫанталӑк хывнӑ сӗмӗпе вӑл хӑйне мӗн тери йывӑр, пысӑк ҫухату кӗтнине лайӑхах туйса илчӗ.
Куҫарса пулӑш

Шӑпах Полинапа туйра вылянӑ кунсенче килте амӑшӗн пурнӑҫӗ мӑртӑх ҫип ҫинче ҫеҫ юлни, вӑл кӗҫ-вӗҫ вилесси ҫинчен вырханса, ассӑн сывлакаласа калаҫкалама пуҫларӗҫ.
Куҫарса пулӑш

Ула Тимӗрпе аппӑшӗ ҫакна хӑнӑхса ҫитнӗ ӗнтӗ.
Куҫарса пулӑш

Амӑшӗ ачисемпе йӗркеллӗ калаҫни те, вӗсене шеллесе, хура-шур йӗрлекелесе пӗтернӗ шуранка, ҫухӑнчӑк тырӑ пӗрчи пек ырханланнӑ пичӗ тӑрӑх вӗри куҫҫуль юхтарса, ыталаса макӑрни те пулкалать-ха, анчах унран ытларах сивӗ, хавшак ҫилӗ тапса тӑрать: ачисем ытлашши алхаскаласан, йӳнсӗрленсен е ӑнсӑртран вӑл-ку япалана, ӗҫе майсӑр тусан, ӳпки ҫеҫ мар, психикипе нервисем те пӑсӑлса, сулчӑланса пӗтнӗскер, вӗсене чӗрре кӗрсех ятлани те, купарчаран ҫатлаттаркалани те пулкалать.
Куҫарса пулӑш

«Аннӳ патне ан ҫывхар, вӑл чирлӗ, унран чир ерме пултарать».
Куҫарса пулӑш

Ула Тимӗре пурте — килтисем те, тӑванӗсем те, тухтӑр та — шеллӗ, тупӑк хупӑлчи айӗнчи саспа асӑрхаттарсах тӑраҫҫӗ:
Куҫарса пулӑш

Амӑшӗ, вичкӗн ҫутӑ хӑмӑр куҫлӑ ҫамрӑк хӗрарӑм, ӗнтӗ темиҫе ҫул хӗн курса пурӑнать: вӑрҫӑ ҫулӗсенче Етӗрне таврашӗнче шартлама сивӗре окоп чавнӑ чух витӗрех шӑнса ӳпкене лартнӑскер, халӗ, самаях йӑмшакланнӑскер, вырӑнпах выртать.
Куҫарса пулӑш

Аппӑшӗ, Ула Тимӗртен виҫӗ ҫул аслӑскер, пиллӗкмӗш класра вӗренет.
Куҫарса пулӑш

Вӑрҫӑ чарӑнсан та ашшӗ ҫав вутлӑ-юнлӑ хиртен таврӑнманччӗ-ха — Инҫет Хӗвелтухӑҫӗнче Япун самурайӗсене «мӑйран пӑвса», «чӗрне айне лапчӑртса» вӗҫнех тухайман пулас.
Куҫарса пулӑш

Ҫавна пулах пуль халӗ тантӑшӗсенчен ытларахӑшӗнни пекех, Ула Тимӗр сӑн-питӗнче те ҫамрӑк, вӗри юн выляни, тапса тӑракан вӑй-хал палӑрсах каймасть, пӗвӗ те пурӑннӑ ҫулӗсен шутне тивӗҫлӗ шая ӳссе ҫӗкленеймен.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика