Çĕннисем

Ҫулӗ ашӑм, йӑшӑк, шуҫлак, юрӗ тӗллӗн-тӗллӗн кӗртсем те хывнӑ, шалкӑм тӑманӗ, саккӑр ҫапса ташласа, ҫавӑрӑнса та пӗтӗрӗнсе, карӑна-карӑна илекен шурӑ парӑс пек кусӑркаланса юхать.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Ялтах ҫанталӑк усаланни, ҫил алхаскалани, юр хӳтерме, чышкӑнтарма пикенни палӑратчӗ-ха, кунта вара, уйрӑмах уй варринче, хирӗҫ ҫапакан ҫил-тӑвӑл чарусӑрлансах, урсах кайнӑ, айлӑн-ҫийлӗн ҫавӑрттарса, куҫ-пуҫ курми ҫӗмӗрттерсе кӑна тӑрать.
Куҫарса пулӑш

Ку ялтан тухсан, Ула Тимӗрпе Полинӑн вак ҫулӗ анлах мар, куҫ ытамне те алӑри шурӑ алсиш пек кӗрекен (халӑх йышлӑ пурӑнакан вар-васан чӑваш ҫӗрӗнче ялсем ҫума-ҫумӑнах, пӗр-пӗрин ҫумне вӗҫӗмрен тӗкӗнсе ларни пурне те паллӑ ӗнтӗ) уй урлӑ выртрӗ.
Куҫарса пулӑш

Ҫуртсен чӳречисенче имшер ҫутӑ мӗлт-мӗлт мӗлтлеткелет.
Куҫарса пулӑш

Тавралӑх манахӑн хура юпӑнчипе хупланма хатӗрленет.
Куҫарса пулӑш

Киле таврӑнма та вӗсем, пашшул пӑттине лармасӑрах, кил хуҫисене ӗрете чӗннӗ пекки тукаласа, ытти хӑнасен хӳрешкисем пулса, чи юлашкинчен тухрӗҫ.
Куҫарса пулӑш

Малтанах савӑнӑҫлӑ кӗрлеве — ташша-юрра, шӳте-кула — хӑштик-хаштик, хӑшӑл-хашӑл сывлакаласа, Ула Тимӗрпе Полина та хутшӑнкаланҫи тукаларӗҫ-ха, уяв вӗҫленсе пынӑ май вара вӗсем, пӗр хӑмапа утайми пуличченех ӳсӗркакӑрри ҫитсен, иккӗшӗ те лӗмпӗрех пулчӗҫ.
Куҫарса пулӑш

Эрехсӑра, пыл хурчӗн карасне пӑрса йӳҫӗтнӗ пыл сакки те сарлака пулчӗ.
Куҫарса пулӑш

Ҫырткаламалли-ҫимерен вара, чӑнах, сӗтел ури те авӑнатчӗ пуль.
Куҫарса пулӑш

Пурте шепӗр хӑналанчӗҫ: кӗреке курки ҫавӑрса ӗҫрӗҫ, ҫирӗҫ, ӗрехетленчӗҫ, киккирикӗсем самаях хӗрсен хӑюҫахсем е йӑпӑш-япӑш та тӑпӑр-тӑпӑр тӑпӑртаткаларӗҫ, е яшши-вутлисем хӗм сирпӗтсе, урайне силлентерсех, пӳрте чӗтрентерсех ташша сӳрӗҫ, чун тӗпӗнчи чи вӑрттӑн, ҫывӑх туйӑмӗсене халӑхӑн кӗмӗл ҫӑриллӗ, ылтӑн уҫҫисемлӗ юман сунтӑхӗнче упранса юлнӑ пӗр-ик юрра ҫавӑракансем те пулчӗҫ.
Куҫарса пулӑш

Кусем те уяв «сӑлтавне», вырӑс чӗлхипе литературине вӗрентекен тӑванне, пускилне, ӗҫтешне сыв пулӑр та пур пулӑр тесе, таву каласа, курка-черкке ҫӗклесе парнесем кӳчӗҫ, хӑйӗн ӗҫри тивӗҫне тӳрӗ кӑмӑлпа, ҫӗнӗлӗхсем кӗртсе, пысӑк хавхаланупа туса пынӑшӑн, пуринпе те ырӑ кӑмӑллӑ, тарават пулнӑшӑн лайӑх, хавха, ырлавлӑ сӑмахсем каларӗҫ, такмакласа та юрларӗҫ, сӑвӑ вулакан та тупӑнчӗ.
Куҫарса пулӑш

Кӗҫех ратнисем, пускилӗсем, ытти хӑнасем те пуҫтарӑнчӗҫ.
Куҫарса пулӑш

Ула Тимӗрпе Полина чӗннӗ ҫӗре чи пирвайхи хӑнасем пулса ҫитрӗҫ, кил хуҫи хӗрарӑмне — менелник «сӑлтавне» — парне вырӑнне простынь таврашӗ пачӗҫ.
Куҫарса пулӑш

Ҫанталӑкӗ ҫав кун иртенпе венчете тӑнӑ хӗр пекех сапӑрччӗ, кӑнтӑр канни вӑхӑчӗ иртсен, хӑйӗн хура, «тал пиҫенлӗ» ӑш-чиккине туй хыҫҫӑн ҫеҫ яри уҫса, намӑс-симӗс туйӑмне сирсе-таптаса кӑтартакан усал, кӑра хӗрарӑм пек, тем чӑкӑртӑшланма, ҫавра ҫил те ҫӗклекелесе нӑйкӑшма, йӗрмӗшме пуҫларӗ.
Куҫарса пулӑш

Паллах, Ула Тимӗрпе Полинӑна та сиктерсе хӑвармарӗ.
Куҫарса пулӑш

Ҫак кунсенчен пӗринче шкулта пӗрле ӗҫлекен учительница, Манефа Сергеевна, ӗҫтешӗсене хӑйӗн ҫуралнӑ кунне уявлама юнашар ялти килне хӑнана йыхравларӗ.
Куҫарса пулӑш

Кӑрлач уйӑхӗ, пӗрре ҫатӑр-ҫатӑр хаярланса, тепре вӑшш-вашш ҫемҫелсе, хӑйӗн юлашки кунӗсене шут ҫине хуратчӗ ӗнтӗ.
Куҫарса пулӑш

Темле вӑрӑм явсан та, вӗрен вӗҫӗ тухатех.
Куҫарса пулӑш

Кун пек авӑксенче уроксенче вӑл, виҫесӗр ҫемҫелсе, вӗренекенсене «4» тата «5» паллӑсен (тивӗҫлипе-и, тивӗҫсӗр-и) купи айне турӗ, хӑй вара час-часах пӑтрашӑнкаларӗ, урок «ҫиппине» ҫухаткалани те пулчӗ.
Куҫарса пулӑш

Полина шкула та кӑнтӑр апачӗ вырӑнне пулштух сӑмакун е ҫуттине портфелӗнчи ӗҫ хучӗсен хушшине хӗстеркелесе илсе пыма пуҫларӗ, ӑна уроксем хушшинчи тӑхтавсенче куҫ-хӑлхасӑр вырӑнсенче лӑнкӑрт-лӑнкӑрт тусах пушаткаларӗ.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика