Çĕннисем

Тӑнлавӗ ҫинчи юн тымарӗсем самаях туратланса кантраланнӑ.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Ак пырать вӑл, вӑрман килкӗнӗ, ансӑркка ҫулпа танлӑн танккаса, мекеҫленсе, пӑртак малалла ӳпӗнсе.
Куҫарса пулӑш

Паян та вӑл кӑмпана пӗчченех кайрӗ.
Куҫарса пулӑш

Шалти улшӑну майӗпен хӑйне тул енчен те палӑртма пуҫларӗ: шухӑш-ӗмӗчӗпе час-часах леш тӗнче ытамне лексе, ӑна уҫҫӑнрах, тӗплӗнрех куҫ умне ӳкерме пикенсе, Ула Тимӗр ҫӗр ҫинчи пурнӑҫа, хӑй таврашӗнчи ҫывӑх ҫынсене те «асӑрхайми», вӗсемпе тачӑ ҫыхӑну тытайми, чунне яри уҫса хутшӑнайми пулчӗ.
Куҫарса пулӑш

Паллах, ҫӑмӑлах пулмарӗ унӑн малашнехи Турӑ патнелле хывӑннӑ ҫулӗ (пурне те пултаракан пирки иккӗленни те, унпа ӑшӗнче тупӑшни те, Полина вилӗмӗшӗн ӑна айӑплама пӑхни те пулчӗ), анчах Турӑ кӗнекисене, уйрӑмах псалтире, тӗплӗнрех, ӑша хывса вулани унччен ӑс-пуҫра цементленсе хытнӑ материализм никӗсне самаях хавшатса ишӗлтерчӗ.
Куҫарса пулӑш

Ачарах чухне амаҫури амӑшӗ ӑс панисене каллех ҫӗнетсе, Турра ӗненекенсен еннелле те сулӑнса пӑхрӗ, вӗсемпе ҫывӑхланса вырӑсла «Отче наш» кӗлӗ те пӑхмасӑр калама вӗренчӗ.
Куҫарса пулӑш

Чӑнах, Ула Тимӗр панӑ сӑмаха тытрӗ, йӗркеллех учительте ӗҫлеме пуҫларӗ, кил-ҫуртне те юхӑнтарса ямарӗ, ҫӑтӑр-ҫӑтӑрах тытрӗ, анчах хӑраха, урҫана юлса, пат пӗччен, камантайла та аскетла пурӑнса, вунӑ ҫул хушшинче шалтан самаях улшӑнчӗ.
Куҫарса пулӑш

Ҫавӑнтах урӑх нихӑҫан та эрех таврашне ҫӑвара ямасса та асӑнчӗ.
Куҫарса пулӑш

Татӑлсах йӗчӗ Ула Тимӗр арӑмне юлашки ҫула ӑсатнӑ май, пӗтӗм халӑх умӗнче: «Тӑпру ҫӑмӑл пултӑр, Полина… Пӗлетӗп: эпӗ те айӑплӑ сан умра. Каҫар. Уйӑхпа хӗвел умӗнче тупа тӑватӑп: сана эпӗ юлашки сывлӑш тухичченех чӗрере упраса, яланах асӑнса пурӑнӑп… Санӑн яту, санӑн сӑнару яланах манӑн пурнӑҫ ҫулне яр ҫуттӑн ҫутатса тӑракан ҫӑлтӑр пек пулӗ. Ҫӗр ҫыртса калатӑп: урӑх нихӑҫан та никампа та ҫемье ҫавӑрмӑп…», — тесе чунлашрӗ.
Куҫарса пулӑш

«Ах, Турра ҫиллентермелле йӗпленкелетчӗ-ҫке ҫак чӗкеҫ чӗлхиллӗ ки-иин», «ҫав мунчашӑнах Турри ӑна хӳтӗлемесӗр хӑварчӗ пулӗ ҫа-ав», «антихристсене майлӑ ытла та хастарланса шӑлнине пулах ҫаврӑнса тухмарӗ-ши ҫак шӑпа?» та текелерӗҫ.
Куҫарса пулӑш

Турра ӗненекен хурлӑх тутриллӗ ватӑ карчӑксем вара ҫак синкере тата унччен Мининсен ҫемйинче ӗретленнӗ ытти инкексене тӳрремӗнех вӗсен пахчинче хӑпартнӑ ҫӗнӗ кирпӗч мунчапа сӑлтавларӗҫ.
Куҫарса пулӑш

Пӗрисем ӑна, ыр ҫын вилӗмӗ яланах ҫывӑхра ҫӳрет тесе, чун-чӗререн шеллерӗҫ, теприсем ӗҫ-пуҫ ҫапла ҫаврӑнса тухнипе тӗлӗнчӗҫ, виҫҫӗмӗшӗсем ун пӳкле вилӗмне сивлерӗҫ.
Куҫарса пулӑш

Полинӑна, урнӑ вӑкӑр сӗчӗпе уриччен хӑйӗн ӗҫне пысӑк тивӗҫлӗхпе, хавхаланупа, пикенчӗклӗ туса пынӑскере, сӑнӗ-пуҫӗпе те, ӑсӗ-тӑнӗпе те, ҫемҫе те ырӑ кӑмӑлӗпе те юмахри пирӗштие аса илтерекенскере, автансӑр, тӗтӗмсӗр лутра яла пӗтӗм ял халӑхӗ ӑсатрӗ.
Куҫарса пулӑш

Икӗ уйӑхран ҫеҫ Полинӑн вилӗ кӗлеткине, ҫур шит таранах пӑрпа хупланнӑскере, ҫухрӑм ҫурӑри юнашар колхоз фермин силос шӑтӑкӗнче тупрӗҫ…
Куҫарса пулӑш

Эрне, уйӑх ҫуйланса, таса уя хӗл ыйхинчен чӑшт-чашт, чӑштӑр-чӑштӑр, тӳнкки-тӳнкки вӑратса шырарӗҫ Полинӑна — тупаймарӗҫ.
Куҫарса пулӑш

Тепӗр кунне Полинӑна шырама ялти пур вӑйпитти арҫынпа хӗрарӑм, ҫамрӑксем хыпӑнса, пӑлханса тухрӗҫ — усси пулмарӗ.
Куҫарса пулӑш

Тен, каялла таврӑнмарӗ-ши, тесе, куҫҫульне ҫӑта-ҫӑта, Ула Тимӗрпе Полина хӑнара пулнӑ киле те вӗтсе ҫитрӗ, унта, сехӗрленнӗ аптравлӑ куҫӗсене ҫавракалатса: «Владимир Петровичпа Полина Никифоровна пирӗн патран чиперех тухса кайрӗҫ», — терӗҫ ҫеҫ.
Куҫарса пулӑш

Карчӑк унталла утрӗ, кунталла чупрӗ, сехӗрленсе ӳксе ҫывӑхри таврара вӗҫтерекен юр хӳнӗ пӗр тӗмескене те, сакӑн-сакӑн выртакан пӗр вырӑна та тӗкӗнмесӗр, тапратмасӑр, йӑштармасӑр-ҫавӑрттармасӑр хӑвармарӗ — хӗрӗ тупӑнмарӗ.
Куҫарса пулӑш

Ҫула ӗнтӗ чалӑш тӑман шӑлать, нумай тӗлте ӑна сан хывнӑ.
Куҫарса пулӑш

Пашка-пашка, уйра Ула Тимӗр асӑннӑ вырӑна ҫитрӗ — ниҫта та Полина курӑнмарӗ.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика