Çĕннисем

Студентсенчен улттӑшӗ (татах иккӗшӗ тӗрлӗ сӑлтавсене пула ку ӗҫе хутшӑнаймарӗҫ) илӗм-тилӗм вӑранчӗҫ те ҫӑвӑнса тасалчӗҫ, чей сыпкаларӗҫ, пиртен ҫӗленӗ вунӑ килограмм кӗрекен пӗчӗк миххе ӗҫ хушшинче ҫырткаласа илмелли сивӗ апат (Ула Тимӗрӗн хура ҫӑкӑр чӗлли, виҫӗ пӗҫернӗ ҫӗрулми, килька пулчӗҫ) хурса ҫыхрӗҫ, кӑпӑр-кӑпӑр ӗҫ тумӗпе «хулӑнланчӗҫ», вара, мӗн кирлине илсе, общежитирен тухрӗҫ те ҫерҫилле чӗриклетмесӗр, чакакла чакӑлтатмасӑр сакӑр сехете ҫитмелле чукун ҫул станцинелле ҫул картрӗҫ.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Таса тӳпере, ҫурҫӗр енче, хӗрлӗ хӑва кӑчки тӗслӗ пӗлӗт татки, ката хыҫӗнчен ӳкнӗ хӗвел шевли йӗкӗлтевлӗн «кӑтӑклакаланине» пула, тем ытла та йӑлттӑм-ялттӑм, вӑрӑлла вӑрттӑн-кӗрттӗн куҫ ывӑткаланӑн курӑнать.
Куҫарса пулӑш

Хӗвелтухӑҫне лаппипех ҫӑп-ҫӑра сенкер шурӑмпуҫ ҫути карса илнӗ.
Куҫарса пулӑш

Ҫанталӑкӗ тӑп.
Куҫарса пулӑш

Ак ӗнтӗ палӑртнӑ ӗҫ кунӗ те кӗрлесе ҫитрӗ.
Куҫарса пулӑш

Ӗҫне пурнӑҫлама ҫитес вырсарникуна палӑртнӑ иккен.
Куҫарса пулӑш

Пулас физик тепӗр куннех лекцисем хыҫҫӑн чукун ҫул станцине тухса вӗҫтерчӗ, унтан вӑл тавар хуҫипе — хулари тӗп специализациленӗ Универбаза экспедиторӗпе — студентсен ушкӑнӗ ку ӗҫе тума килӗшни ҫинчен хут — договор — ҫырса таврӑнчӗ.
Куҫарса пулӑш

Ӗҫе йӗркелесе, ун ҫулне уҫса пыракан бригадир пулма шӑпах Зинона суйларӗҫ.
Куҫарса пулӑш

Пиллӗкмӗш курсра физика факультетӗнче вӗренекен лутака, чикан пек тӗксӗм сӑн-питлӗ Иванов Зинон ҫеҫ, ку авантюрӑна сивленҫи туса, «ну шульӑксе-е-ем!» тесе пуҫне сулкаласа илчӗ, анчах хӑй хыҫҫӑнах «шульӑксен урапи ҫине йӑпӑр-япӑр хӑпарса ларчӗ».
Куҫарса пулӑш

Анатолие итлесе, унӑн теветкеллӗ, сӗмсӗр авантюрине «пӗҫерсе кӑларма» килӗшсе, пӗри «кӑлтӑрмач кустарса ячӗ», теприсем лӑхлатрӗҫ, ихӗлтетрӗҫ, «куҫ пӑван» савӑнӑҫӗпе чыхлана-чыхлана аллисене сӑтӑркалакансем те, хӑйма вӑрласа ҫинӗ кушак аҫи пек тутисене ҫулакаласа илекенсем те пулчӗҫ.
Куҫарса пулӑш

Ун пуҫӗнче ӗҫ укҫине пӑртак тӳлевсӗр сахӑрпа «тутлӑлантарма» та май паракан ытла та чее, чӑрсӑр операци ҫуралса тӗвӗленнӗ иккен.
Куҫарса пулӑш

«Айтӑр ҫапла тӑвар…», — пуҫларӗ вӑл.
Куҫарса пулӑш

Чӑх! — хӑй тӗллӗн чӑхлатса илчӗ ҫак вӑхӑтра виҫҫӗмӗш курсра вӗренекен пулас филолог Чижиков Андрей, ӑшӗнчен яланах чӗрӗ пурнӑҫ тапса тӑнипе самантлӑха та хӑйне «сӳнме паман кӑвайт».
Куҫарса пулӑш

Чӑх!
Куҫарса пулӑш

Пурте самант пӗр «чышка чӑмӑртанса», ку ӗҫе пӗр тӑхтаса тӑмасӑр туса пӑрахма йышӑну турӗҫ…
Куҫарса пулӑш

Епле савӑнмӑн.
Куҫарса пулӑш

Тутисем те, чун «ҫуначӗсем» те сарӑлсах кайрӗҫ ҫамрӑксен ку хыпара илтсен: пӗчӗк хушма укҫа та вӗсен пурнӑҫӗнче тем пахиех.
Куҫарса пулӑш

Ку ӗҫе тума тавар хуҫисем студентсене явӑҫтарма та хирӗҫ мар имӗш.
Куҫарса пулӑш

Пӗррехинче (ака уйӑхӗн пуҫламӑшӗнче пулчӗ ку) Ула Тимӗрӗн пӳлӗмре пӗрле пурӑнакан чи ҫывӑх юлташӗ, ют чӗлхесен факультетӗнче виҫҫӗмӗш курсра вӗренекен Саша Петров, каҫхине, ҫывӑрма выртас умӗн, хыпӑнса ҫулӑмлансах, ҫӗр айӗнче темле хаклӑ мул тупӑннӑ пек вӑрттӑн-хӗрттӗн савӑнса, пӗлтерӳ тума васкарӗ: чукун ҫул станцинче йӑтмарҫӑсем кирлӗ иккен — тавар пуйӑсӗн пӗр вакунне шултра сахӑр тултарнӑ михӗсенчен пушатмалла.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика