Çĕннисем

Кӑмпаҫӑна пӗр паллӑ чӑваш поэчӗн сӑвви те аса килет:
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Хуҫи ҫеҫ вӗсен пӗрре — ылмак-сулмак, ҫил хӳри пек пӑркаланчӑк, йӑпӑлкка пулӑ пек авкаланчӑк кӑмӑллӑ, ҫитмӗл те ҫичӗ питлӗ ҫутҫанталӑк.
Куҫарса пулӑш

Вӗсен те, ҫынсен пекех, кашнин хӑйӗн ӗмӗрӗ, шӑпи, тӗрекӗ, илемӗ, сиплӗхӗ, ытти-хытти…
Куҫарса пулӑш

Ӗнтӗ хӑйсен чӗрӗ пурнӑҫне сыпӑнтарса яма, тӑхӑмӗсене-йӑхӗсене кун-ҫул пама вӑрлӑх акса хӑварма ӗлкӗрнӗскерсем, халӗ ҫитес ҫуркуннеччен «летарги ыйхине» путнӑскерсем…
Куҫарса пулӑш

Йывӑҫсем, йывӑҫсем…
Куҫарса пулӑш

Лапкӑшӗпех сивӗ, сӑпрам, ҫӑрӑлчӑк «кӗлпе сапӑннӑ» тӳпе — пурне те пултаракан ҫӳлти Хӑватӑн асаплӑ кӗрхи салхулӑхӗ — хускалми, чӗмсӗр…
Куҫарса пулӑш

Ак халӗ те, кӑнтӑр вӑхӑчӗ иртнӗренпе виҫ сехетелле яхӑн ҫеҫ ҫитрӗ пулин те, тавралӑха вӑрман ҫине «ҫутӑ кӑвак ҫивиттипе» йӑпӑштӑн хупласа йӑтӑнакан тип тӗтреллӗ каҫхи ӗнтрӗк сӗмӗ йӑввӑн-йӑввӑн, таччӑн-таччӑн ҫупӑрлани самаях палӑрать…
Куҫарса пулӑш

Ку вӑл ӑша вӑркаттармӑш, чуна тыткӑнламӑш кӗрхи вӑрманта ытларах та сисӗнет…
Куҫарса пулӑш

Ҫу кай еннеллех, хура кӗреллех, сулӑнсан кунсем, хавшак хӗвелленсе, тӗксӗм ылтӑнланса, ы-ы-ы-ый сулхӑнланса, йӑс-пӑс йӑтӑнтарса, «лӗс-лӗс куҫҫульленсе» кӗскелес хӑвӑртлӑхне ӳстерсех яраҫҫӗ: ӗнер вӗсем куян хӳри, паян — вӗт кайӑк сӑмси…
Куҫарса пулӑш

Кӑҫал пилеш кая юлса ҫеҫке ҫурчӗ — кӗркунне вӑрӑма тӑсӑлма пултарать.
Куҫарса пулӑш

Лишайника аса илтерекен тарӑнрах хытнӑ куҫӗсенче те вут-хӗмлӗ яшлӑх ялтӑравӗ тӑмӑчах палӑрмасть.
Куҫарса пулӑш

Ҫакна кӗмӗл тӗс тивнӗ тӑкӑскӑ ҫырӑ ҫӳҫӗ те, тир хутламӗсемпе касӑлса пӗтнӗ, ҫатракаланнӑ тӑсмакрах пичӗ те, куҫ айӗнчи усӑк хӑмпӑлчи те ҫирӗплетет.
Куҫарса пулӑш

Ватлӑх пуснипе шӑраннӑ тесе калаймасан та, ҫулӗсен шучӗпе чухӑнах мар-ха вӑл.
Куҫарса пулӑш

Хӑй кивӗ шупка костюмпа, пуҫӗнче лутӑркаланнӑ (чылай ҫулсем хушши пӗр-пӗр ҫӳпҫе-ҫармара е хуп пӗрмере хӑлтӑ-халтӑ, упи-супи япаласем хушшинче тытмасӑр, тӑхӑнмасӑр выртнӑ пулас) тӗксӗм кӑвак шлепке, урине вӑрӑм кунчаллӑ шӑнӑр атӑ тӑхӑннӑ.
Куҫарса пулӑш

Йӑлӑмри кӗрхи самаях чалланнӑ, сарра кайнӑ шӑкӑр хутӑш вӑрман «ҫырӑвне вула-вула», вӑхӑтне кура чал тивнӗ, чӗрӗлӗхӗ хавшанӑ упасаррине, аслати, ие, кӑчӑр, супӑнь, пыл, тикӗт, чапӑр, кӑвак, вӑрман кӗпҫи, ытти вуншар та ҫӗршер хӑрӑннӑ курӑк-марӑка вӑшӑлтаттаркаласа сиркелесе, ҫумӑрпа шӳсе йывӑрланнӑ, тӗллӗн-тӗллӗн кӑвасак шӑршиллӗ кӗрхи ҫулҫӑсемпе чӑштӑртаткаласа, патӑрка патак-шатак таврашне шӑт та шат, ҫӑт та ҫат, парт-парт хуҫкаласа, ҫурӑмӗ ҫинчи тӑктӑках кӑмпа тултарнӑ рюкзакне малалла чикӗнсе, кутекленсе, питӗрленсе йӑтса, Шупашкарпа «Ҫурҫӗр» поселока ҫыхӑнтаракан асфальт-бетон сарнӑ мӑн ҫул еннелле пӗр йӑпшакрах, ҫӑтӑ пӳ-силлӗ арҫын каптӑртаттарса утать.
Куҫарса пулӑш

Чӑштӑр-чаштӑр…
Куҫарса пулӑш

Чӑш-чаш…
Куҫарса пулӑш

Чӑштӑр-чӑштӑр…
Куҫарса пулӑш

Парт-парт…
Куҫарса пулӑш

Шӑт-шат… ҫӑт-ҫат…
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика