Шырав

Шырав ĕçĕ:

урисене (тĕпĕ: ура) сăмах форми çинчен тĕплĕнрех пăхма пултаратăр.

Ак вӑл вырӑнтан хускалчӗ, тӑтӑрхасӑр урисене (вӗсене такам тачка сӑнчӑрпах сӑнчӑрланӑ тейӗн) пӗр-пӗринчен шӑл ҫыртса, вӑй хурса куҫаркаласа, тӗттӗм вӑрман чӑтлӑхнелле лӑштӑрт-лӑштӑрт тутарса ленк-ленк калӑпсӑр сулланчӗ: ҫӑт-ҫат, шӑт-шат, чӑш-чаш, шачӑртшачӑрт…
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Ҫаплипех Пурис ури ҫине мӑраланса, мӑштӑк-мӑштӑк сывлакаласа, мӑштӑр-мӑштӑр тӑчӗ те, урисене кӗскен чӑштӑр-чӑштӑр шутаркала-шутаркала, шуҫа-шуҫа аялалла васкарӗ, асӑрханса пускаласа кӳлленчӗк хӗррине ҫитсе тӑчӗ, вара, кукленсе, йӗкӗрленӗ ывӑҫ тупанӗсемпе ӑса-ӑса, пӳрнисем хушшипе шӑпӑр-шӑпӑр юхтарса, шыв пеме пикенчӗ.
Куҫарса пулӑш

Чунӗ васкарӗ пулин те, урисене хыпаланмасӑр, асӑрханса куҫаркаласа пӗчӗк юхан шыв (темле пысӑк юханшывӑн «капиллярӗ» ӗнтӗ вӑл) хӗррине ҫитсе тӑчӗ.
Куҫарса пулӑш

Ак ӗнтӗ вӗсем вальсӑн тӑнӑҫ сыпӑкӗпе килӗшӳллӗн, пӗрремӗш лапка юрӑн ытамлашнӑ икӗ пӗрчи пек ҫаврӑнма-ярӑнма пӑрахрӗҫ те, пӗр-пӗрне куҫӗсенчи юрату хӗвелӗпе ӑшӑтса, урисене урайран уйӑрмасӑр калла-малла йӑкӑштаттарса ҫеҫ лӑпкӑ ташӑ манерӗнче юлчӗҫ.
Куҫарса пулӑш

Урам еннелле ик чӳречеллӗ стена ҫывӑхӗнче — килте хатӗрленӗ е пӗҫернӗ ансат ҫырткаламаллисемпе, «градуссӑр» сӑрапа (максӑмапа), тутлӑ шывсемпе «урисене авса-куклетсе» ларакан сӗтел.
Куҫарса пулӑш

Тепӗртакран, урисене типӗ пуртенкке-атӑ сырсантӑхӑнсан, вӑл каллех кирлӗ пек тумланнӑ вӑрман кӑмпаҫи пулса тӑчӗ.
Куҫарса пулӑш

Малтанах, ытлашши хыпаланмасӑр, вут вӗрилӗхне хӑйӗн ҫара урисене «ҫулласа» типӗттерчӗ, унтан, ҫулӑм йӑлхахӗсем ҫинче «силлесе-чӳхесе» те сулласа выляткаласа, аттипе, пир тӑлисене типӗтсе пахалӑхлантарчӗ.
Куҫарса пулӑш

Чи малтанах вӑл, аттисене хывса, лачкам йӗпеннӗ урисене (ҫавна пула тепӗр чух радикулит хутлатса лартни те пулкалать), ура сыррисене типӗтсе илме шутларӗ (ҫиелти ҫи-пуҫне те хывнӑ пулӗччӗ те, анчах, ытарлӑ каласан, упа ямарӗ).
Куҫарса пулӑш

Чӑх ҫӑмарта тунӑ вӑхӑтах выртрӗ вӑл сӗлпӗрленсе, кӑтӑш тӗнк пулса, ҫав талккӑма ӑс-тӑнне те, сисӗм-туйӑмне те, шултӑрканӑ, йынӑшакан шӑмшакне те, сӑрӑлтатсах суракан урисене те, тӗлкӗшекен аллисене те черетсӗр канӑва ярса.
Куҫарса пулӑш

Кукленсе, васкамасӑр хӑй тавра чылайччен алӑ сӗмӗпе хыпаласа шырарӗ ӑна — тупаймарӗ, вара, тӳрленсе тӑрса, рюкзакне тӳрлеткелерӗ те, нимрен тытма ҫук енне, алла лекнӗ тӗмӗллӗ йывӑҫ вуллисенчен ҫатӑрласа тытӑнса, пиҫӗ туратсенчен ҫакланкаласа, урисене шутаркаласа куҫаркаласа, аялалла анма пуҫларӗ.
Куҫарса пулӑш

Татах вырткаларӗ пӗр хускалмасӑр, лӑнчӑр пусӑрӑнса, хӑштик-хӑштик сывлакаласа, юн тулнипе пуҫӗ те тӳнлетсе ыратма пуҫласан ҫеҫ майӗпен, ытла та асӑрханса, сӑрӑлтатакан урисене аялалла тӑсса ямалла ҫаврӑнса выртрӗ.
Куҫарса пулӑш

Пӗр-пӗринпе уҫӑмсӑррӑн, чӑмла-чӑмла сӑмах ҫӑркаласа, урисене пӑтавкка ҫыхса янӑ пек йывӑррӑн куҫаркаласа, енчен енне сулӑнкаласа, ҫынна сывлама та памасӑр антӑхтарса яракан, пӳлентерсе лартакан хирӗҫле вӗрекен ҫиле ҫӗне-ҫӗне, ҫак санлӑ, маяксӑр-мӗнсӗр ҫулпа сӗтӗрӗнчӗ те ӗнтӗ кӑлӑх чипер ӳсӗрӗлнӗ, самаях минренӗ мӑшӑр.
Куҫарса пулӑш

Униҫ инке вальс ташлама ӑстах мар пулас, урисене час-часах пӑтраштарса ярать, анчах вӑл ӑна-кӑна пӑхмасть, упӑшкипе танах ҫаврӑнма тӑрӑшать.
Куҫарса пулӑш

XII // Елизавета Осипова. Осипова Е.Б. Ҫул пуҫламӑшӗ: повеҫпе калавсем. — Шупашкар: Чӑваш кӗнеке издательстви, 1982. — 96 с. — 3–84 с.

Василий Петровичпа Лена урисене шӑлкаласа ӑшӑ сывлӑш ҫапакан витене кӗрсе тӑчӗҫ те хӑйсене хирӗҫех пӗр чӗрҫитти хӑраса шиплетекен чӗпӗсем ҫӗклесе тӑракан Варварие курчӗҫ.
Куҫарса пулӑш

V // Елизавета Осипова. Осипова Е.Б. Ҫул пуҫламӑшӗ: повеҫпе калавсем. — Шупашкар: Чӑваш кӗнеке издательстви, 1982. — 96 с. — 3–84 с.

Амӑшӗн урисене ыталаса илчӗ.
Куҫарса пулӑш

Анне // Ева Лисина. «Тӑван Атӑл». — 1969, 2(136)№ — 88-89 с.

Марине ҫырма шывӗпе питне ҫурӗ, каҫма ҫинче урисене чӑмпӑлтаттарса ларчӗ.
Куҫарса пулӑш

Яшка витӗр Шӑнкӑртам курӑнать // Ева Лисина. «Тӑван Атӑл». — 1969, 2(136)№ — 86-88 с.

Анчах та вӑрӑм мӑя антарсан ҫӗклесси, терӗ пулас та, урисене ватӑ ҫынла шутарса, шурӑ пӗлӗтсем еннелле кайрӗ.
Куҫарса пулӑш

Пӗлӗт // Ева Лисина. «Тӑван Атӑл». — 1969, 2(136)№ — 81-82 с.

Тискер ҫӑмламас тӳрех тӑнне ҫухатрӗ курӑнать: урисене аяккалла лӑштӑр-р ячӗ те ҫӗре тач! персе анчӗ.
Куҫарса пулӑш

Пӑшалсӑр эпӗ пӗр кунта виҫӗ упа тытрӑм // Георгий Орлов. «Тӑван Атӑл». — 1969, 2(136)№ — 76-80 с.

Ывӑннӑ урисене аран-аран сӗтӗрсе мастер хӑйӗн будкине кӗрсе каять, тек ачасем мӗн хӑтланнине те пӑхмасть вӑл, хӑйне темиҫе ҫул хушшинче мӗн чухлӗ кӳрентернине аса илме тытӑнать.
Шаркая усталыми ногами, старик тащился в свой угол, снова и снова перебирал в памяти старые обиды, не обращая больше внимания на ребят.

Иккӗмӗш сыпӑк // Аркадий Малов. Шляху С. Ваня юлташ: повесть. — Шупашкар, Чӑваш АССР Государство кӗнеке издательстви, 1958. — 210 с.

Вӑрӑм урисене хуҫлатса сак ҫине ларсан, унӑн чӗркуҫҫийӗ партӑран та ҫӳлерех курӑнчӗ.
Уселся, согнув ноги, такие длинные, что колени торчали над партой.

Пӗрремӗш сыпӑк // Аркадий Малов. Шляху С. Ваня юлташ: повесть. — Шупашкар, Чӑваш АССР Государство кӗнеке издательстви, 1958. — 210 с.

Страницăсем:

Чӑваш чӗлхи корпусӗ

Шырав

Шырав ĕçĕ:

Меню

Статистика