Çĕннисем

Упӑшкипе арӑмӗ пӗрин хыҫҫӑн тепри хӑйсене пӗрре мар урӑлтаркӑҫ нарӗ ҫинче урӑлтарчӗҫ, ӳсӗр чирӗнчен сыватакан учреждени пациенчӗн халатне те тӑхӑнса курчӗҫ.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Анчах ҫакӑн хыҫҫӑн та ҫак ҫемье хӑйне эрех-сӑра лачакинех шуҫса-татӑлса анасран чаркӑч параймарӗ.
Куҫарса пулӑш

Кӗҫех Ула Тимӗре (Владимир Петровича) ӗҫри должноҫра та кӗҫӗнлетрӗҫ — завуч ӗҫӗнчен хӑтарчӗҫ.
Куҫарса пулӑш

Ӗҫе те вӗсем час-часах «хуркаласа», хӗрӗнкӗ пыркалама пуҫларӗҫ, пуҫ миминчи шухӑшлакан клеткӑсене алкоголь текен наркӑмӑш вӗлернипе йӗркеллӗ, тивӗҫлӗн, пикенчӗклӗ (ҫӗнӗлӗх ҫулӗсене шырасси пирки калаҫма та кирлӗ мар ӗнтӗ) ӗҫлейми те пулчӗҫ.
Куҫарса пулӑш

Черккесене шаклаттарсан тухакан чӑнкки-чӑнкки сасӑ та халӗ вӗсемшӗн туй йӗс шӑнкӑравӗн чӑнкӑл-чӑнкӑл сасси евӗрлех.
Куҫарса пулӑш

Черкке тӳнтермесӗр-янклаттармасӑр апата та лармаҫҫӗ.
Куҫарса пулӑш

Курӑсӑн: арӑмӗпе упӑшки ӗнтӗ «урапана эрех кӗленчи кӳлеҫҫӗ те, хӑпарса ларса, тилхепене ҫӑтӑр-ҫатӑр ярса тытса, картлаттара-картлаттара туртса «лашине» пӗр-пӗринпе тупӑша-тупӑшах хӑвалаҫҫӗ — катаччи чупаҫҫӗ».
Куҫарса пулӑш

Халӗ ӗнтӗ вӑл та эрех тесен чӑп туллинех тулса тӑкӑнать.
Куҫарса пулӑш

Ула Тимӗр унччен те хутран-хутран сыпкалатчӗ-ха, анчах эрех шампине ҫаврӑнмаллах виҫерен тухмастчӗ.
Куҫарса пулӑш

Полина та ҫакӑн хыҫҫӑн «йыснана та сыснана кӑларакан» симӗс шӗвеке ҫутӑрах, ӑшӑрах, хаваллӑрах куҫпа «утьӑкка сиктеркелерӗ», юлашкинчен ҫак пуҫ ҫухатмӑшпа, чун «йӑпатмӑшпа» туслашсах кайрӗ.
Куҫарса пулӑш

Арӑмне эрех «сиппе» кайнине курса, Ула Тимӗр Полинӑна ҫапла пӗр хут мар «сиплерӗ».
Куҫарса пулӑш

Чӑнах, ҫакӑн хыҫҫӑн унӑн йӗрне-кунне пӑхмасӑр йӑшкакан, хавшӑракан чун-чӗри лӑштӑрах кайрӗ, хӗрхӳ, йывӑр шухӑшсен пӑтравӗ те, шалтан вӗҫӗмсӗр кӑтӑр-кӑтӑр кӑшлакан хуйхи-суйхи те, мӑкланса, тӗссӗрленсе, канӑҫса, таҫталла аяккалла кутӑнла утӑмсем утӑмлама пуҫланӑн туйӑнчӗ, чӗлхи те, сулчӑланса, самаях ҫемӗҫрӗ: «пыл юхтарни те, уйран уҫлани» те пулчӗ унта.
Куҫарса пулӑш

Кунччен нихӑҫан та эрех-сӑра таврашне ас тивсе курманскер, Полина малтанах ҫакна хирӗҫлерӗ, варарахран ҫеҫ упӑшки «пусахласах» хистенипе, шалти «хирлӗвне» хивре карӑнтарсах ун ӳкӗтне килсе, кӑмӑлне кӳрсе, йӗклене-йӗклене черкке тӑррине малтан саркайӑк шыва сыпкӑм сыпкӑмланӑн чапӑрт татса илчӗ, унтан, куҫне хупса, тӗппи шаплаттарчӗ.
Куҫарса пулӑш

Хӑйӗнче те, арӑмӗнче те ҫак чӑтма ҫук йывӑр хуйхӑ-суйхӑ «хура пӗлӗтне» самантлӑха та пулин сӗвӗртсе, вашкӑртса ярас, манӑҫа хӑварас тесе-ши, пӗррехинче Ула Тимӗр Полинӑна пӗр сӑлтавсӑрах эрех черкки сӗнчӗ.
Куҫарса пулӑш

Вӑхӑт пур чир-чӗре те сиплет теҫҫӗ-ха, анчах ку каларӑш гранит пек ҫирӗп чун хаваллисене ҫеҫ пырса тивет.
Куҫарса пулӑш

Чирлесе те кайрӗ.
Куҫарса пулӑш

Хӑвӑрӑлса ҫунса, кулянса, ухласа макӑрса чутах ухмаха тухмарӗ ун чухне Полина.
Куҫарса пулӑш

Ҫакӑн хыҫҫӑн ҫур ҫултанах Ула Тимӗрпе Полинӑн пӗртен пӗр ывӑлӗн, Лешан, чип-чипер таса ӳсекен вун тӑватӑ ҫулхи ачан, пырне пулӑ шӑмми лекнине пула тӑприне таптама тиврӗ.
Куҫарса пулӑш

Унтан Ула Тимӗрӗн амаҫури амӑшӗ, рак чирӗпе чирлесе, леш тӗнчене ӑсанчӗ.
Куҫарса пулӑш

Чи малтанах вӗсен ӗни, клевер ҫисе кӳпӗнсе кайнине пула, уй варринчех кӗлерсе ӳксе вилчӗ.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика