Çĕннисем

Эпӗ сана сывлӑм сыпнӑ ҫурхи пӗрремӗш чечексем хушшинче шырӑп — тупаймӑп…
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Эпӗ сана кӑнтӑртан ҫуллана вӗҫсе килнӗ ҫурхи кайӑксен хушшинче куҫ ытамне илесшӗн пулӑп — кураймӑп…
Куҫарса пулӑш

Эпӗ сана ҫурхи янкӑр тӳпери ирхи хӗвелӗн чи ачаш ылтӑн шевлисем хушшинче сӑнасшӑн пулӑп — асӑрхаймӑп…
Куҫарса пулӑш

Манӑн ҫухалнӑ ҫуркунне…
Куҫарса пулӑш

Чун тӗпӗнчи асамлӑ ҫепӗҫ кӗввӗм…
Куҫарса пулӑш

Ӑшӑмри сӳнми хӗвел…
Куҫарса пулӑш

— Куҫӑмри вӗри куҫҫуль…
Куҫарса пулӑш

«Полина, Полина, — ассӑн сывласа ячӗ Ула Тимӗр.
Куҫарса пулӑш

Аса ҫапла тӗсленсе-капланса килчӗ те тип йывӑҫ таткине тип йывӑҫ таткипе сӑтӑрсан тухакан вут — телей вучӗ — хыптарса ячӗ, чӗрине каллех пыл тутиллӗн вӑркӑштарма пуҫларӗ, хыҫҫӑнах тулман кӑмӑлне йӑмӑхса ыраттарса та, ҫурхи лӗс-лӗс сивӗ ҫумӑрпа ирӗлекен юр пек йӑштарса та илчӗ.
Куҫарса пулӑш

Паҫӑр «калаҫнӑччӗ-ха» Полинапа, халӗ вара, Ула Тимӗрӗн яланхи йӑлине пӗлнӗ пек, хӑй, Полина, чӗррӗн, ҫуттӑн, туллин сӑнарланса ӳкрӗ ун куҫӗ умне.
Куҫарса пулӑш

Ав мӗнле «пыл хурчӗ» чуна ҫуйхӑн ертнӗ иккен!
Куҫарса пулӑш

Умри вӗр-тӗттӗм вӑрман та халӗ яр-ҫуттӑн ҫуталса кайрӗ, тейӗн.
Куҫарса пулӑш

Ҫав хушӑрах ун ӑшӗнче темскер, ытла та хаклӑскер, йӑшӑлт вӑранчӗ те пӗтӗм чун-чӗрине ыррӑн-ыррӑн хускатса, хумхантарса ячӗ, кӑштахран вара куҫӗ умне майӗпен ытла та ҫывӑх ӗлке, чӗрери ҫурхи хӗвел — Полина сӑнарӗ — ҫӗкленсе-тӗсленсе, хӗрелсе-чечекленсе тухрӗ.
Куҫарса пулӑш

Ула Тимӗр тӗвӗсӗр, тӗссӗр шухӑшлӑн тӗкӗрленсе хытнӑ куҫне вут ҫине ӳкерчӗ, анчах тӗннӗ, тӑнтанланнӑ ӑс-тӑнӗ умра нимӗн те «ӑслаймарӗ», витӗрлеймерӗ.
Куҫарса пулӑш

Уҫӑ вучах, сасси шала кайнӑ пулин те, ташшиюррине тӗксӗмлетмен-ха.
Куҫарса пулӑш

Ула Тимӗре халӗ темшӗн ҫав тери лайӑх, ун чун-чӗрине, ҫемҫен-ҫемҫен ирӗлтерсе, темскер ыррӑн-ыррӑн, тутлӑн-тутлӑн пиелет, ҫунатлантарать, ҫав хушӑрах йӳҫҫӗн-йӳҫҫӗн те кӗвелӗклентерсе, пӑлхаткаласа илет.
Куҫарса пулӑш

Никам та чӑрмантармасть, нимӗн те илтӗнмест, ун пек ыйхӑ вӗҫнӗ авӑксенче вара тӑрӑ ӑс-тӑн ҫивӗчленет, инҫе шухӑш ҫиппи пӗр арканмасӑр-чӑлханмасӑр тӑсӑлать, аса е ырри, е усалли ҫеҫ ӗрӗхсе килет.
Куҫарса пулӑш

Шӑмми-шакки те алли-ури сӑрӑлтатса лӑштӑрах кайнине пула пӑртак пусахланчӗ-ха, анчах, амутке, ыйӑхӗ тутлӑн канӑҫ парса пуснине пӗртте туймарӗ.
Куҫарса пулӑш

Ҫапла кӑмпасемпе мӑй таран тутӑ пулса, Ула Тимӗр, лӑнкӑрт-лӑнкӑрт лӑнкӑртатса, кӗленчерен шыв ӗҫрӗ, тутине ал лаппипе типтерлӗн шӑлса илчӗ, вара шывӗ чӑх сыпса тӑранмалӑх ҫеҫ юлнӑ кӗленчине рюкзакӑн ҫиелти пӗр кӗсйине чикрӗ, ҫав сулӑмпах хӑйне, рюкзакне, ӑҫта кирлӗ — тӳмелерӗ, ӑҫта кирлӗ — тӑтӑхлӑ, тӑп-тӑп ҫыхрӗ.
Куҫарса пулӑш

Пӗр кӑмпине те хӑвармарӗ — пурне те «карта урлӑ ялт! сиктерчӗ, ланкашкана ланк! антарчӗ» (кӑмписем пысӑкскерсемех пулмарӗҫ).
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика