Çĕннисем

Ҫакӑн хыҫҫӑн ҫемьери ытлӑ-ҫитлӗ пурнӑҫ самаях хӗсӗнчӗ.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Варарахран ашшӗне, вӑрҫӑ пуҫланнӑ ҫулах нимӗҫсен хуптӗрне лекнӗскерне (унтан вӑл икӗ хут та тарнӑ пулнӑ), НКВД ҫыннисем решетке чӳречеллӗ машинӑпа килсе тытса кайрӗҫ, ҫулталӑклӑха таҫти хӑямата ӑсатрӗҫ.
Куҫарса пулӑш

Ун пек авӑксенче кӗске турталлӑ амаҫури амӑшӗ хӑйӗн килне таврӑнса уйрӑм пурӑнни те пулкаларӗ.
Куҫарса пулӑш

Ҫемье те пӗр хушӑ йӗркеллӗ, шӑкӑл-шӑкӑл пурӑнчӗ, анчах ку нумая пымарӗ: вӑрҫӑ вучӗ витӗр вилӗме ҫӗнсе тухнӑ ашшӗ, виҫҫӗмӗш ушкӑнри инвалид, халӗ колхозра складовщик пулса ӗҫлекенскер, эрех черккипе туслашса кайсан, кил-йышра пӑтӑрт-патӑртсӑр та, ҫӑтӑр-ҫатӑрсӑр та пулмарӗ.
Куҫарса пулӑш

Амаҫури амӑшӗ, чӑнах, ачасемшӗн малтанлӑха чун кӳттиех пулмарӗ — унран тӑван амӑшӗнчен те ытларах «ӑшӑ ҫапрӗ».
Куҫарса пулӑш

Ҫав ҫулах салтакран Ула Тимӗр ашшӗ таврӑнчӗ, ача ҫуратман, пӗччен пурӑнакан тӑлӑх салтак арӑмне качча илсе ҫемье ҫавӑрчӗ.
Куҫарса пулӑш

Паллах, ку хыпар та Ула Тимӗр чун-чӗрине ҫур ӑшши кӳмерӗ, ҫав хушӑрах вӑл пач хуҫӑлса та ӳкмерӗ, шанӑҫа та ҫухатмарӗ — Ш.-ри вӑтам шкулта вӗсем Полинапа каллех пӗрле пулӗҫ-ха.
Куҫарса пулӑш

Ула Тимӗрпе Полина иккӗмӗш класс пӗтерсен, ҫулла, Полинасен ҫемйи Ч. ялне куҫса кайрӗ: хӗрача ашшӗне унти ҫичӗ ҫул вӗренмелли шкула директор пулса ӗҫлеме куҫарнӑ иккен.
Куҫарса пулӑш

(Ула Тимӗрӗн амӑшӗ вилни ҫинчен вара класра учительница кӑна пӗлчӗ).
Куҫарса пулӑш

Мӗн пулчӗ ӑна?..
Куҫарса пулӑш

Мӗншӗн хӑйне ытла та чаруллӑ, тӑптӑм тытса, пӑрӑнса ҫӳрет?
Куҫарса пулӑш

Полина тӗлӗнчӗ: мӗнле-ха капла унӑн юратнӑ тантӑш арҫын ача кӗтмен-туман ҫӗртен сӑлпӑрккаланса, сӳрӗнкӗленсе улшӑнса кайрӗ?
Куҫарса пулӑш

Ҫапла Ула Тимӗр, «тунана та ларма ӗлкӗреймен ешӗл калчаллах» тӗпсӗр тарӑн шухӑшлав, йывӑр хуйхӑ-суйхӑ «пуслӑхӗпе» пусӑрӑннӑскер, хӑех «хӑпартса хучӗ» хӑйпе Полина хушшине мӗскӗнлӗх, сумсӑрлӑх «хӳмине».
Куҫарса пулӑш

Вӑл, хӑйне хӳтӗсӗр, ят-сумсӑр юлнӑ ача вырӑнне картса, Полинаран вӑтанма пуҫларӗ, ӑна куҫран пӑхма та, унпа выляма та хӑймарӗ.
Куҫарса пулӑш

Шкулта та Ула Тимӗр тӗссӗр, чӗлхесӗр янаварах ҫаврӑнчӗ, тейӗн.
Куҫарса пулӑш

Юрать-ха хирӗҫ хурӑнташӗсем, пускилӗсем, кукамӑшӗ ачасене хӑйсене тӑлӑх халлӗн туйма памарӗҫ: вӗсене пӑрахмарӗҫ, пултарнӑ таран, ӗҫпе те, татӑк ҫӑкӑрпа та пулӑшрӗҫ, куҫҫульленсех шеллерӗҫ, йӑпатрӗҫ, чун кӳттермӗш ҫын ҫиен Гитлере ылханса, чун-кӑмӑлпа ҫирӗпленме, пурнӑҫра малалла талпӑнма чӑтӑмлӑх сунчӗҫ, ҫак ачасене вутне панине шывне те парах, тесе Турӑран пулӑшу ыйтрӗҫ.
Куҫарса пулӑш

Хӑйне начара хурса, Ула Тимӗр ӗнтӗ малтанхинчен те ытларах нимӗрӗлсе, пӗчӗкленсе тӗксӗмленчӗ.
Куҫарса пулӑш

Ахаль мар пулӗ ҫав пиллӗхсӗр пуличчен чунсӑр пул, теҫҫӗ.
Куҫарса пулӑш

Ачан самантрах шалти «ҫунаттисем шартах хуҫӑлчӗҫ», ӑшчикки пушанса юлчӗ, ҫут тӗнче те уншӑн халӗ сӳннӗ вучахри сивӗ кӗле ҫаврӑнчӗ.
Куҫарса пулӑш

Пуш уйӑхӗн вӗҫӗнче, алтатти тӗлнелле, кӑчкӑ папкисем тӑртаннӑ, ҫутӑ хӑмӑр тӗспе витӗннӗ кунсенче, Ула Тимӗр амӑшӗ — унӑн тӗп тӗревӗ, чи шанчӑклӑ тӳртӗшӗ — ҫӗре кӗчӗ.
Куҫарса пулӑш

Страницăсем:

Чӑваш чӗлхи корпусӗ

Çĕннисем

Меню

Статистика