Çĕннисем

Ӗҫнӗ те ҫав, ҫинӗ те, Йӗркипеле сикнӗ те; Унсӑр пуҫне еплелле Тӑвас тетен праҫнике?
Куҫарса пулӑш

Силпи ялӗнче // Константин Иванов. Константин Иванов. Нарспи: поэма. — Чебоксары: Чувашское книжное издательство, 2000. — 165 с.

Тарӑн нӳхреп ӑшӗнче Мӗн чул сӑра пӗтмен-ши?!
Куҫарса пулӑш

Аслӑ Калӑм эрнинче Мӗнле чӑваш ӗҫмен-ши?!
Куҫарса пулӑш

Укҫапала эрехех Ҫынна ӑсран кӑларать.
Куҫарса пулӑш

Анчах вӑйлӑ этем те Хӑй тӗнчине пӑхӑнать.
Куҫарса пулӑш

Ҫакӑ ҫутӑ тӗнчере Вӑйли ҫук та этемрен: Шывсем ҫинче, ҫӗр ҫинче Хуҫа пулса вӑл тӑрать.
Куҫарса пулӑш

Пурӑнӑҫсем, ах, аван Аслӑ Силпи ялӗнче!
Куҫарса пулӑш

Ҫӗр ҫӗмӗрсе каччӑсем Ташлать хапха умӗнче.
Куҫарса пулӑш

Нар пек хитре хӗрӗсем Акӑшсем пек утаҫҫӗ, Чӑнкӑр-чӑнкӑр тенкисем Йӑлтӑртатса пыраҫҫӗ.
Куҫарса пулӑш

Пӳрт хыҫӗнче шавласа Ачи-пӑчисем выляҫҫӗ.
Куҫарса пулӑш

Урам тӑрӑх ҫыннисем Улпут пекех утаҫҫӗ.
Куҫарса пулӑш

Кайӑк юрри, ҫын сасси Ян-ян ярать таврана, Ҫуркуннехи хавас юрӑ Килсе кӗрет хӑлхана.
Куҫарса пулӑш

Ҫӑтмах пекех туйӑнать Силпи чӑваш ялӗнче, Вӑхӑт иртни сисӗнмест Савӑнӑҫлӑ кунсенче.
Куҫарса пулӑш

Ҫырма урлӑ каҫрӗ те Кӗрсе кайрӗ вӑрмана.
Куҫарса пулӑш

Акӑ пӗр ҫын кӗперпе Каҫса пырать ҫырмана.
Куҫарса пулӑш

Ав ачасем ҫӳл енче Шывра ишсе ҫӳреҫҫӗ, Пулӑ тытан ваттине Хирӗҫтерме пӗлеҫҫӗ.
Куҫарса пулӑш

Акӑ кӗпер ҫийӗнче Старик ларать вӑлтапа: Йӑпӑрт-япӑрт пуллине Улталасшӑн ӑманпа.
Куҫарса пулӑш

Тӑрӑ шывӑн ӑшӗнче Кӑвак пӗлӗт явӑнать, Ватӑ йӑмра тайӑлса Тӗсне пӑхса савӑнать.
Куҫарса пулӑш

Ҫырма юхать кӗрлесе Аслӑ ялӑн ҫумӗпе, Хӗвел тӗрӗ тӗрлесе Вылять унӑн шывӗпе.
Куҫарса пулӑш

Ахӑр, кунти чӑвашсен Мулӗ пур-тӑр ҫав вӗсен.
Куҫарса пулӑш

Страницăсем:

Чӑваш чӗлхи корпусӗ