Шырав
Шырав ĕçĕ:
Тайга ҫинчен те нимӗнех те пӗлместӗн эсӗ, — пурттине пӗрене пуҫне тӑрӑнтарчӗ те Ҫимун, тапак туртмалли вырӑна кайса, чӗлӗмне кӑларчӗ.
Яла ҫӗнӗ ҫынсем килсен // Алексей Афанасьев. А. А. Афанасьев. Юманлӑх ҫулҫӑ тӑкмарӗ: роман. — Шупашкар: Чӑваш кӗнеке издательстви, 1982. — 288 с.
Ҫикелес те ӗҫе уттарас, — мӑкӑртатса пурттине каска пуҫне тӑрӑнтарчӗ Хумкка, сарӑхнӑ пӳрнисене умри саппунӗпе шӑлкаласа тасатрӗ.
Вӑрҫӑ килӗрен ҫӳрерӗ // Алексей Афанасьев. А. А. Афанасьев. Юманлӑх ҫулҫӑ тӑкмарӗ: роман. — Шупашкар: Чӑваш кӗнеке издательстви, 1982. — 288 с.
Анчах ҫӑварне уҫма ӗлкӗриччен Костя ӑна аякӗнчен чӑмӑрӗпе тӑрӑнтарчӗ, Емелька сиксе пырса утланса ларчӗ.
VII // Никифор Мранька. Мранька Н.Ф. Ӗмӗр сакки сарлака. Роман. 2-мӗш том. Виҫҫӗмӗш кӑларӑм. Шупашкар: Чӑваш кӗнеке издательстви, 1989. — 592 с.
Унччен те пулмарӗ, тимлесех итлесе ларакан юлташӑм мана аяк пӗрчинчен пӳрни вӗҫӗпе чак! тӑрӑнтарчӗ.
Куршанак // Василий Давыдов-Анатри. Ӑшхыптармӑшсем: калавсем, сӑвӑсем, шӳтсем, пьесӑсем. — Шупашкар: и. ҫ., 1986. — 62 с. — 4–6 с.
Кӗреҫине ҫӗре тӑрӑнтарчӗ те, йӑкӑлт! сиксе, будкӑна кӗчӗ, амӑшӗпе йӑмӑкне хирӗҫ ларчӗ.
II // Лаврентий Таллеров. Таллеров Л.В. Сӑпка юрри: повеҫсем, калавсем тата очерксем. Чӑваш кӗнеке издательстви. Шупашкар, 1979 ҫ. — 400 с. — 5–93 с.
Папа прибора илсе тухрӗ те урисене юр ҫине тӑрӑнтарчӗ.
Ҫӑлтӑрсем // Александра Сергеевна. https://t.me/sergeyevnachavashla/599
Унӑн чӗрине тахӑшӗ тутӑхнӑ пӑта тӑрӑнтарчӗ тейӗн — ыратать те ыратать, эмел ӗҫни те сахал пулӑшать, пуҫне вара шухӑш хӗскӗч пек хӗстерет.
10 // Николай Мартынов. Мартынов Н.А. Пурнӑҫ урапи: калавсемпе повеҫсем / Б.Б. Чиндыков пухса хатӗрленӗ. — Шупашкар: Чӑваш кӗнеке издательстви, 2017. — 416 с. — 272-415 с.
Хӗр хире-хирӗҫ пӑхнине тӳсеймесӗр кӗске авӑрлӑ сенӗке ҫӗре ӳкерсе ҫурӑмпа ҫаврӑнса тӑчӗ, ҫунатланса-ҫӑмӑлланса кайнӑскер вӑрӑм авӑрлӑ виҫӗ юплӗ сенӗке ҫавӑрса тытрӗ, ӑна пысӑк утӑ ҫӗклемне тӑрӑнтарчӗ.
5 // Николай Мартынов. Мартынов Н.А. Пурнӑҫ урапи: калавсемпе повеҫсем / Б.Б. Чиндыков пухса хатӗрленӗ. — Шупашкар: Чӑваш кӗнеке издательстви, 2017. — 416 с. — 197-271 с.
Алӑри чӑматанне Изамбаев юр ҫине тӑрӑнтарчӗ:
3 // Николай Мартынов. Мартынов Н.А. Пурнӑҫ урапи: калавсемпе повеҫсем / Б.Б. Чиндыков пухса хатӗрленӗ. — Шупашкар: Чӑваш кӗнеке издательстви, 2017. — 416 с. — 92-125 с.
Хмельно-ой! — шӑрпӑк тӑрӑнтарчӗ кӗпҫери сасӑ, унтан чурӑссӑн: — Мӗн пулнӑ? — тесе ыйтрӗ.
Трофим // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 96–116 с.
«А-а, апла-и-ха эс?» — самантрах шалтан «тивсе» кайрӗ халӗ Ула Тимӗр, Пурисран супса иртсе малалла ҫурма сулмаклӑ утӑмсемпе тӗрмекленекенскер, вара, пуҫне каялла ҫавӑрса илсе, пӗр шелсӗр «ҫавине чул ҫине тӑрӑнтарчӗ»:
Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.
Шалчана ҫӗре тӑрӑнтарчӗ, ҫине сӑхман тӑхӑнтартрӗ, пиҫиххи ҫыхтарчӗ, ҫанни вӗҫне хулӑ ҫыхса хучӗ.
Яшка витӗр Шӑнкӑртам курӑнать // Ева Лисина. «Тӑван Атӑл». — 1969, 2(136)№ — 86-88 с.
Мӗн тума кирлӗччӗ вӑл сана! — текелесе, чӑмӑрӗпе улшуҫа айккинчен тӑрӑнтарчӗ.
X // Никифор Мранька. Мранька Н.Ф. Ӗмӗр сакки сарлака. Роман. 1-мӗш том. Виҫҫӗмӗш кӑларӑм. Шупашкар: Чӑваш кӗнеке издательстви, 1989. — 592 с.
Эпӗ килӗшменнине кура, Митя сиксе тӑчӗ те шӗвӗр грифелепе мана ҫурӑмран тӑрӑнтарчӗ.
Шкула ҫӳреме пуҫлани // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.
Мӗншӗн кураймастӑн эсӗ Мӗтри пӑяхама, терӗм те, вӑл мана питрен чышса пӗтерчӗ, янаха шӗшлӗпе тӑрӑнтарчӗ.
Наҫтиҫ каласа пани // Трубина Мархви. Трубина М. Ача чухнехи. Повесть. Калавсем. — Шупашкар, Чӑваш кӗнеке издательстви, 1981. — 288 с. — 3–192 с.
Хӗрача, хӑй кӗркунне ҫапса лартнӑ хӑма патне чарӑнса, йӗлтӗр патакӗсене умлӑн-хыҫлӑн юр ӑшне тӑрӑнтарчӗ, сунарҫӑ ҫухатнӑ мулкачне шыранӑ евӗр йӗри-тавралла пӑхса ҫаврӑнчӗ.
IV // Куҫма Турхан. Куҫма Турхан. Йӑмраллӑ ял. Роман. — Шупашкар: Чӑвашгосиздат, 1951. — 368 с., илл.
Аспар хӗҫне ҫӗр ӑшне тӑрӑнтарчӗ.
Ултавлӑ ҫул // Андрей Чэн. Анрей Чэн. Пӑлхар ҫар ҫынни. Шупашкар: «Ҫӗнӗ вӑхӑт», 2020 — 100 с.
Айккинерех кайса чупса пычӗ те турта пӗр вӗҫне ҫӗре хӑвӑрт тӑрӑнтарчӗ, хӑй вара ҫӳлелле ӑмӑрт кайӑк пек вӗҫсе чул ҫине хӑпарса тӑчӗ.
Кашкӑр ҫури — Хура ҫӑлтӑр // Андрей Чэн. Анрей Чэн. Пӑлхар ҫар ҫынни. Шупашкар: «Ҫӗнӗ вӑхӑт», 2020 — 100 с.
Ботредж киркӑпа ҫӳлтен чаваймасть; вӑл шӑпах ҫур ҫӗр иртсен вун пилӗк минутра — Галеран сехечӗпе — лумне ҫӗклерӗ те ҫӳлтен тӑрӑнтарчӗ.
XIV сыпӑк // Алексей Леонтьев. Грин А.С. Суйласа илнисем. Виҫҫӗмӗш том. — Шупашкар, 2012. — 428 с. — 7–281 с.
Сидор унпа юнашар пырса ларчӗ, тасатса шӗвӗртнӗ патакне ҫӗре тӑрӑнтарчӗ.
1 // Николай Максимов. Максимов Н.Н. Синкер. Роман. — Шупашкар: Чӑваш кӗнеке издательстви, 1991. — 349 с.