Шырав

Шырав ĕçĕ:

пиҫӗ сăмах пирĕн базăра пур.

пиҫӗ (тĕпĕ: пиҫӗ) сăмах форми çинчен тĕплĕнрех пăхма пултаратăр.

Пурте умри йӑрӑсрах, сайра туратлӑ, пиҫӗ хулӑ-вулӑсен вӗҫӗ-тӑррисене хамӑр еннелле туртса сулӑнартӑмӑр та ҫатӑрласа тытрӑмӑр.
Куҫарса пулӑш

Выляма та ӑс кирлӗ // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 143–160 с.

Пире, арҫын ачасене, уйрӑмах атлет пек тӗреклӗ, пиҫӗ кӗлеткеллӗ Тарзан (ҫулсен шучӗпе хӑй, ҫӗмӗрӗлсе ӳснӗскер, вуннӑра кӑна пулнӑ-ха) джунглире йывӑҫ ҫинчен йывӑҫ ҫине ҫӑмӑллӑн яр! та вашш! ярӑнса-вӑйкӑнса «вӗҫсе» ҫӳрени тыткӑнланӑччӗ.
Куҫарса пулӑш

«Кукӑльунти ҫӑмарта сӑпӑрчӑкланнӑ, купӑстине кисмӗк пуснӑ, Кӗркури», — тесшӗнччӗ ҫеҫ вӑл, анчах курчӗ: кил хуҫи ку тӗле ҫӑвар арманне пӗтӗм ӑшчиккине карӑнтарса, «пиҫӗ хулӑпа ӗселе-ӗселе» авӑрттарать иккен.
Куҫарса пулӑш

Супер! // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 128–143 с.

Вилӗ саспа йынӑшкалать пулса-тулса та ҫитеймен таптанчӑк курӑк (ун айӗнчен, пурнӑҫа кӗтмен-туман ҫӗртен хура эсрел килсе хупланине туйса, шултра йӑхри хура нӑрӑ хыпӑнсах упаленсе тухрӗ те аяккалла, хӑрушсӑр вырӑналла мӑкӑлт-мӑкӑлт мӑкӑлтатрӗ), шӑппӑн, татӑлсах «ӳлет» сӗтек тапхӑрӗнчи хӑвалӑх, таса, кӗмӗл куҫҫульпе ҫӑвӑнаҫҫӗ ешӗл, пиҫӗ йӑмра ҫулҫисем…
Куҫарса пулӑш

Трофим // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 96–116 с.

Аркадий, ҫамки ҫинчен пӑтӑр-пӑтӑр тарне шӑлса илсе, шыва чупсах кӗрсе кайрӗ, тренировка туса тӗреклетнӗ, вӑй-хал ӗҫӗпе кӗрнеклентернӗ, яштака хулӑ пек пиҫӗ, кӗре, йӑлтӑр ӳтлӗ кӗлетки ҫурри таран путӑнсан, чарӑнса тӑчӗ, вара, мускулӗсене карӑнтарса, тӑнӑ вырӑнтан урисемпе пружинӑлла вӑнк! тапӑнса, сывлӑшра хӑйӗнчен «пӗкӗ» авса илчӗ те шывалла йӑмпӑлт! турӗ.
Куҫарса пулӑш

Пӗрремӗш экзамен // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 70–96 с.

Хӑйӗнчен ыйтас! — фальцетпа, анчах тикӗс кӑмӑллӑн чанкӑлтатса илчӗ пӗр ҫырӑ сӑн-питлӗ, пиҫӗ хулӑ пек яштака, ҫара пуҫлӑ хӗрарӑм, джинсран ҫӗленӗ брюки, зефир кӗпе тӑхӑннӑскер.
Куҫарса пулӑш

Чӑнах, чӑхӑмлакан, лӳппер выльӑха пиҫӗ хулӑпа е пушӑпа « тӑна кӗртесси», кутӑнлӑхне «имӗресси», кӑмӑлне «утюгласси» те пулкалать, анчах тимӗр тӑха йышши ӳт-тире амантакан япалапа мар ӗнтӗ.
Куҫарса пулӑш

Вӑрттӑн сыхлавҫӑ // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 36–70 с.

Анчах пуҫӗ ыратса кайнине те, ҫан-ҫурӑмӗ йӗкӗленсе тӑнине те, пиҫӗ туратсем питрен-куҫран чант! чант! ҫатлаттара-ҫатлаттара янине те, шаккит паракан йывӑҫ вуллисен ҫумне пырса ҫулӑнса ҫамкине мӑкӑльленине те, аллине вӗлтӗренпе ҫӑтӑр-ҫӑтӑр пӗҫертнине те халӗ пӗртте туймасть усал шӗвек тыткӑнӗнче минрекен ҫамрӑк арҫын.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Мӗнех, манерӗпе ту качаки вирлӗхнех лараймарӗ пулин те, ҫамрӑк, пиҫӗ ҫан-ҫурӑмлӑ арҫын, хӗрӗх градуслипе те хӗрӗннӗскер, пӗрре яшлатса, тепре кутелене-кутелене, шуҫа-шуҫа, йӑвалана-йӑвалана, ӳт-пӗвне тӑвар касичченех вӗрилентерсе, «чӑнкӑлтата-чӑнкӑлтата», сивӗ, чӑкраш ҫырана парӑнтарчӗ-парӑнтарчех.
Куҫарса пулӑш

«Кунта каҫкӑҫ кӑна мар, каҫнӑ чух хӑвна шай тытмалли те пур иккен! — кӑмӑлӗпе тулса илчӗ Пурис, вара пушӑ сылтӑм аллипе пӗр пиҫӗ турат вӗҫӗнчен ҫатӑрласа тытса, сулахай урипе «каҫкӑҫ» ҫине, варрине, йӑпӑл-йӑпӑл пускаласа, тепринпе ҫӗртен вирлӗн тапса ячӗ те леш еннелле вашт! сикрӗ.
Куҫарса пулӑш

Юнашарах сылтӑм алла темле пиҫӗ, ҫинҫе, ҫулҫӑсӑр турат вӗҫӗсем лекрӗҫ: кунта тураттисене юхан шыв ҫине усӑнтарсах е кӑптака тӗмӗллӗ йывӑҫ ӳсет, е йӑвӑ хӑвалӑх ашкӑрать пулас.
Куҫарса пулӑш

Пиҫӗ туратсем, хӑва хулисем питне ҫивӗччӗн, тӑрӑхӑн-тӑрӑхӑн е урлӑ-пирлӗ касса «ҫупкӑланисене» хӑнӑхса ҫитрӗ ӗнтӗ вӑл.
Куҫарса пулӑш

Хальхинче вӑл тӗттӗмре чӗрӗ, пиҫӗ, кача пӳрни тачкӑш туратсемпе е ҫамрӑк йывӑҫпа «суккӑр такалла вылярӗ».
Куҫарса пулӑш

Шампур вырӑнне вара пӗр-пӗр чӗрӗ ухӑр е пиҫӗ хулӑ кирлӗ пулать.
Куҫарса пулӑш

Кукленсе, васкамасӑр хӑй тавра чылайччен алӑ сӗмӗпе хыпаласа шырарӗ ӑна — тупаймарӗ, вара, тӳрленсе тӑрса, рюкзакне тӳрлеткелерӗ те, нимрен тытма ҫук енне, алла лекнӗ тӗмӗллӗ йывӑҫ вуллисенчен ҫатӑрласа тытӑнса, пиҫӗ туратсенчен ҫакланкаласа, урисене шутаркаласа куҫаркаласа, аялалла анма пуҫларӗ.
Куҫарса пулӑш

Ак чӗркуҫҫийӗ темле кӑмӑра (е кӑк-тунката пулчӗши?) пырса шанлаттарчӗ; ак ҫамкине ирӗксӗр, хӗвелсӗр ӳснӗ чӑлах, хӑрӑк туратсем «таккаса» илчӗҫ; хӑшӗ-пӗри шӑчӑр-шӑчӑр хуҫӑлчӗ; ак питне-куҫне чӗрӗ, пиҫӗ туратсем, вут-хӗм сирпӗнтерсе, юнлантарса, чант! та чант! ҫупса, ҫапса-ӗселесе пӗтерчӗҫ.
Куҫарса пулӑш

Ҫапла вӑл, хашка-хашка, пашка-пашка, малаллах кӑштӑртатрӗ, сӗтӗрӗнчӗ, вӑл-ку ыратни ура тӗпне ҫыпӑҫнӑ пылчӑк пек хӑпӑнса юлсан куҫӑм хӑвӑртлӑхне те ӳстерчӗ, анчах темле сыхланса пырсан та питрен-куҫран пиҫӗ турат таврашӗ шӑртти-шартти тутарса ямасӑр, алли-урине хуҫӑк турат тӗпӗсемпе е кӑнтарса тӑракан хыткан йывӑҫ тымарӗсемпе тирӗнтермесӗр-тӑрӑнтармасӑр пулмарӗ.
Куҫарса пулӑш

Пиҫӗ туратсем ҫамкинчен, питкуҫӗнчен чант та чант, ҫат та ҫат тукалаҫҫӗ, чӗркелесе те илеҫҫӗ.
Куҫарса пулӑш

Хуран айне урӑх хумарӗ, салма кӑварпа пиҫӗ, терӗ.
Куҫарса пулӑш

Яшка витӗр Шӑнкӑртам курӑнать // Ева Лисина. «Тӑван Атӑл». — 1969, 2(136)№ — 86-88 с.

Унӑн тӗлӗнмелле ҫирӗп вӑйне парӑнса пиҫӗ хурҫӑ тек чанклатса авӑнмасть.
Не лязгала сталь, покорная его силе.

Саккӑрмӗш сыпӑк // Аркадий Малов. Шляху С. Ваня юлташ: повесть. — Шупашкар, Чӑваш АССР Государство кӗнеке издательстви, 1958. — 210 с.

Страницăсем:

Чӑваш чӗлхи корпусӗ

Шырав

Шырав ĕçĕ:

Меню

Статистика