Шырав

Шырав ĕçĕ:

вут сăмах пирĕн базăра пур.

вут (тĕпĕ: вут) сăмах форми çинчен тĕплĕнрех пăхма пултаратăр.

Васканӑ, «вут хыпнӑ» самантсенче пулчӗ кунашкал тӳрккесленесси.
Куҫарса пулӑш

Вӑрттӑн сыхлавҫӑ // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 36–70 с.

Малтанах Лена, ихӗлтете — ихӗлтете, ҫакна хирӗҫленҫи турӗ, пуҫне апла-капла пӑркаларӗ, тутине Павӑл тутипе тӗкӗнтертме именчӗ, анчах ку нумая пымарӗ — тахҫантанпах сӑваплӑ вут пек тасан упранса пурӑннӑ туйӑмӗ шалтан вӗҫерӗнсе кайрӗ те (вӗҫертессе кӗтнӗскер!) вӑл савнин ачаш та хӗрӳ юратӑвӗн ытамне «пуҫне ҫухатсах», пӗр «ҫылӑхсӑр» тап-таса чунӗн пӗтӗм хӗрӳлӗхӗпе, виҫесӗр ачашлӑхӗпе ыткӑнчӗ.
Куҫарса пулӑш

Мӑнтӑрккапа Вӑрӑмкка (е Турӑ пӳрни) // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 8–35 с.

Вут куҫӗ ҫуртра нихӑҫан та ан сӳнтӗр, амалансах тӑтӑр.
Куҫарса пулӑш

Акӑш-макӑш, асар-писер вут ҫулӑмӗсем чӑнах та хуран тавра тӗпсӗр ханкӑртан явӑнса-амаланса, пал-пал пӑрлатса хӑпараҫҫӗ те кашкӑр чӗлхиленсе тӗпсӗр тӳпенелле тӑсӑлаҫҫӗ; хурантан вара ҫухӑракан, йынӑшакан, кӑшкӑракан, макӑракан, тӗнчене те чӗрене ҫурасла, хӑлхана та ҫӑт хупласа хурасла сасӑсем янӑраса тӑраҫҫӗ.
Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Сехри хӑпнӑ Пурис сасӑ илтӗннӗ еннелле палт ҫаврӑнса тимлерӗ — патшасем ларакан престол пуканӗ ҫинче лӑпсӑр-лӑпсӑр сӑсар ҫӑмлӑ, тӗпсӗр хаяр вут куҫлӑ, элттем-шелттем хапи-масиллӗ илес-мелес ӑш хӑпартмӑш ларать.
Куҫарса пулӑш

Кӗҫех вӑл умра, ҫур тӗнченех ҫавӑрса илнӗ, куҫ виҫейми тинӗс евӗр вут янкӑртса, хура тӗтӗмпе явӑнакан урӑм-сурӑм ҫулӑмӗсене пӗлӗтелле ывӑтса ҫуннине асӑрхарӗ.
Куҫарса пулӑш

Унччен те пулмин Пурисӑн икӗ енчен сӑсар ҫӑмлӑ, тӑват юплӗ сенӗк мӑйракаллӑ, вут куҫлӑ, ҫулӑм чӗлхеллӗ, кӑкӑрӗсем ҫине «хура ангел» тесе ҫырнӑ «чӗрӗ» чунсем таҫтан (мур шӑтӑкӗнчен пуль?) кӑшӑрт! сикрӗҫ те тухрӗҫ, килпетсӗр ахӑркаларӗҫ, хуҫӑлкаларӗҫ, сиккелерӗҫ.
Куҫарса пулӑш

— Ҫук, Полина, санпа пӗрле, санпа юнашар мана нимӗнле вут та, нимӗнле вӗрекен шыв та хӑрушӑ мар!
Куҫарса пулӑш

Ывӑлӑм Христос ҫӗр ҫине иккӗмӗш хут аниччен Шуйттан чурисем тата ҫылӑхлисем ҫине пӗлӗтрен вут тата кӳкӗрт ҫутарттарӑп.
Куҫарса пулӑш

Хуран айӗнчен, таҫти тӗпсӗрлӗхрен (ҫичӗ ҫӗр миннинчен пуль?), йӗри-таврах акӑш-макӑш ҫунакан вут ҫулӑмӗсем, вӗсен йӑлхахӗсем пал та пал палкаса-явӑнса, виркӗнсе те сирпӗнсе, карласа та ҫатӑртатса хӑпараҫҫӗ те пӗлӗтелле вӑнн! вӑнн! вайкӑнса, кӑраланса тӑсӑлаҫҫӗ.
Куҫарса пулӑш

Хырӑмӗ те, йӑшкаса, хыр тӑрринчен пуш витрелле чанкӑртаттарать (халӗ Пурис хыр сухӑрне йӗпетсе чӑмлама та хирӗҫ марччӗ, анчах пыран «ҫул» ҫинче хыр тавраш тӗл пулмарӗ), ӑш хыпни те пач вут хума пӑрахман, ыйхи те хӑй сехетне кура пуҫа ҫӗр ҫинелле пусарать.
Куҫарса пулӑш

«Качтаки» вара вӑрӑм хулӑ вӗҫне темскер татӑккисем тирнӗ те вӗсене вут ҫинче тытса ларать.
Куҫарса пулӑш

Чӑнах, нумаях та вӑхӑт иртмерӗ, уҫланкӑра вут куҫӗ — пӗчӗк кӑвайт ҫути — мӗкӗлтете пуҫларӗ, ҫав енченех ҫунӑк шӑрши ҫапрӗ.
Куҫарса пулӑш

Ак ӗнтӗ кӑвайт, лӗшкесе те йӑс-йӑс ҫунса, хевтесӗррӗн, вут куҫӗпе тӗл-тӗл ҫеҫ тукалать, кӑварӗ, ҫӳхе сийлӗ кӗлпе хупланнӑскер, тутӑх, тӗксӗм ҫутӑпа ҫеҫ тӗлкӗшкелет.
Куҫарса пулӑш

Кӑмпаҫӑ вут «шӑл витеймен» ҫунӑксене, урипе пуҫтарса, вучах варрине тӗртсе купаларӗ.
Куҫарса пулӑш

«Хытӑ минтер» вырӑнне вара пӗчӗк хӑма таткисене усӑ курма тиврӗ (ывӑнсан, вут сыппи те мамӑк)…
Куҫарса пулӑш

Халӗ Ула Тимӗр, шалтан чӑрмаланса, пӑркӑчланса, икке юпленсе, «ик вут хушшинчех шӑлне ҫатӑрт-ҫатӑрт ҫыртса илчӗ:
Куҫарса пулӑш

Вӗренӳре хӑйсем Ула Тимӗр «картлашки ҫине те ҫӗкленеймен-ха», анчах сӑн-пит те кӗлетке тӗлӗшӗнчен курӑмлӑрахскерсем, сулхӑн ҫанталӑкра та тӑван амӑшӗн хӳттинче, ун ҫутипе те ӑшшипе «тымарланса папкаланнӑскерсем», кирек мӗнле пирӗшти пуҫне те чечек пахчиллӗн, ҫӑтмах тӗнчиллӗн тӗтрелетсе, чӗрине те пылаккӑн-кӑварлӑн «вут хыптармалла».
Куҫарса пулӑш

Вӗсен «вутлӑ-хӗмлӗ», кӗрӗс-мерӗс ташши-юррине параппан пӑнтӑртатни-тӳнклетни, питлӗх чанклатни, шӑпӑрпа сассине пӗр нотӑра вӗҫертсе тӑсса какӑртни, купӑс, тӑмра кӗввисем, ама, хушпу, тевет, алка, шӳлкеме тенкисем чанкӑл-чанкӑл чанкӑлтатни, чанкӑр-чанкӑр чанкӑртатни, шӑнкӑл-шӑнкӑл «вут хурса», чӗрӗ вӑй кӳрсе тӑраҫҫӗ.
Куҫарса пулӑш

— Иксӗмӗр туйра хӑвалашла вылянине аса илер-ха тата, — ӗнтӗ тутине ейсех пӑрахрӗ Ула Тимӗр, чӗрӗрех кӗске патакпа йӑсӑрланакан ҫинҫе-шыҫмак ҫунӑк татӑкӗсене — «вут ҫыртӑкӗсене» — кӑвайт варрине пуҫтарнӑ май.
Куҫарса пулӑш

Страницăсем:

Чӑваш чӗлхи корпусӗ

Шырав

Шырав ĕçĕ:

Меню

Статистика