Чӑваш чӗлхи корпусӗ

Леш енче сӗм тӗттӗм, шиклентерекен шӑплӑх тӑрать.

По ту сторону был мрак и чутко-пугливая тишина.

VI // Григорий Алентей. Куприн А.И. Шурӑ йыта: калав. — Шупашкар: Чӑваш АССР государство издательстви, 1961. — 46 с.

Сулхӑн садра, яштака та хурлӑхлӑ кипариссен айӗнче мӑнаҫлӑ, хускалми, чаплӑ шӑплӑх тӑрать.

И в тенистом саду под стройными печальными кипарисами стояла важная, невозмутимая, душистая тишина.

V // Григорий Алентей. Куприн А.И. Шурӑ йыта: калав. — Шупашкар: Чӑваш АССР государство издательстви, 1961. — 46 с.

Хӑрушӑ шӑплӑх, хӑраса ӳкни, чӗрере, тымарсенче юн хӑвӑрт тапса тӑни тӑрӑхах паллӑ: кам та пулин пӗр сӑмах каласанах пӗтӗм отряд, вӑл шутрах Гвоздена хирӗҫ тӑракансем те, пурте сиксе ӳксе, ӑна вилӗм аллинчен туртса илме пултараҫҫӗ.

Всех охватило чувство сострадания и ужаса, и каждому слышно было, как стремительно стучит в его сердце кровь, казалось, достаточно одного слова — и весь отряд, даже те, кто был против Гвоздена, бросятся к нему на помощь и вырвут из рук смерти.

17 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Шӑплӑх халь-халь ҫурӑлса каяссӑн туйӑнчӗ Гвоздена.

Но Гвоздену кажется, что это безмолвие вот-вот взорвется.

15 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Ҫак вӑрман пӗрре те лайӑх мар: хура сӑнлӑ кичем чӑрӑшсем, кӑвак мак, нӳрлӗх, ҫӗр тӗпӗнчи пек шӑплӑх.

Нехороший это был лес: угрюмые, почти черные елки, седой мох, сырость и тишина подземелья.

6 // Василий Алентей. Авдеенко А.С. Тисса хӗрринче: повесть. — Шупашкар: Чӑваш АССР государство издательстви, 1956. — 196 с.

Йӗри-тавра шӑплӑх, шӑллӑ тусем, валунсем, тӗмсем, йывӑҫ, юр.

Тишина и зубчатые скалы, валуны и кустарники, деревья и снег.

3 // Василий Алентей. Авдеенко А.С. Тисса хӗрринче: повесть. — Шупашкар: Чӑваш АССР государство издательстви, 1956. — 196 с.

Любовь Сергеевна, ман тусӑмӑн тусӗ пулать-тӗк (эпӗ ҫапла шутларӑм), халь-халь мана мӗнле те пулин ӑшӑ кӑмӑллӑ, чуна ҫывӑх сӑмахсем калама тивӗҫлӗ, хӑй калама шутлани ытларах та ӑшӑ кӑмӑллӑ пулмасть-ши тесе иккӗленнӗн, вӑл ман ҫине чылайччен ним шарламасӑр пӑхса тӑчӗ; ҫак шӑплӑх вӑл манран эпӗ хӑш факультетри ҫинчен ыйтнипе вӗҫленчӗ.

Любовь Сергеевна, как друг моего друга (я полагал), должна была сейчас же сказать мне что-нибудь очень дружеское и задушевное, и она даже смотрела на меня довольно долго молча, как будто в нерешимости — не будет ли уж слишком дружески то, что она намерена сказать мне; но она прервала это молчание только для того, чтобы спросить меня, в каком я факультете.

XXIII сыпӑк // Иван Тенюшев. Толстой Л.Н. Ача чухнехи тата ҫамрӑклӑхпа яш ӗмӗр: повеҫсем; И. Тенюшев куҫарнӑ. — Шупашкар: Чӑваш АССР государство издательстви, 1955. — 288 с.

Шӑплӑх вунӑ минута яхӑн пычӗ.

Прошло минут десять.

10 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Мӗн тумалли ҫинчен шухӑшласа пулас, нимӗҫсем пеме пӑрахрӗҫ, сасартӑк ҫитсе ҫапнӑ шӑплӑх Учашӑн аван мар пек пулчӗ.

Немцы прекратили огонь, не зная, что предпринять, эта неожиданная тишина беспокоила Учу.

7 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Ҫӑмах-юмах пӗтсен, виҫҫӗшне те асаплӑ шӑплӑх пусса илчӗ, чылаях пынӑ калаҫу хыҫҫӑн ку вара пушшех асаплӑ туйӑнчӗ.

В конце концов разговор оборвался, наступило молчание, еще более тягостное, чем натянутая беседа.

2 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Ҫак ултавлӑ шӑплӑх командира шиклентерет.

Зловещая тишина мучила командира.

1 // Александр Яндаш. Чосич, Д. Хӗвел инҫетре: роман / вырӑсларан А.Яндаш куҫарнӑ. — Шупашкар: Чӑваш АССР государство издательстви, 1958. — 352 с.

Каллех калама ҫук шӑп пулчӗ, кун пек шӑплӑх вӑрман варринче, ҫынсем пурӑннӑ ҫӗртен инҫетри вырӑнсенче ҫеҫ пулать.

И опять настала тишина, какая бывает только в сердце леса, вдали от человеческого жилья.

33 // Леонид Агаков. Вигдорова Ф.А. Пурнӑҫ ҫулӗ: повесть. — Шупашкар: Чӑваш АССР государство издательстви, 1956. — 484 с.

Кэймид ялӗ тӗлӗнче усала пӗлтерекен шӑплӑх тӑрать.

Зловещая тишина нависла над поселком Кэймид.

Шурӑ Балахонсен ушкӑнӗ // Тани Юн. Шундик Н.Е. Инҫетри ҫурҫӗрте: повесть. — Шупашкар: Чӑваш АССР государство издательстви, 1960. — 340 с.

Шаман кӗлетӗнче каллех хӑрушӑ та тискер шӑплӑх.

И снова жуткая, зловещая тишина повисла в шаманском складе.

Ӑнсӑртран тупни // Тани Юн. Шундик Н.Е. Инҫетри ҫурҫӗрте: повесть. — Шупашкар: Чӑваш АССР государство издательстви, 1960. — 340 с.

Пӗр вӑхӑтлӑха ачасем нимӗн те чӗнмерӗҫ, шӑплӑх нумая пымарӗ, анчах пурте темле хытса тӑнӑ пек пулчӗҫ, пурне те темле аван мар пулса тӑчӗ.

Мгновенье ребята молчали. Это было короткое, но напряженное молчание; всем было как-то не по себе.

28 // Леонид Агаков. Вигдорова Ф.А. Пурнӑҫ ҫулӗ: повесть. — Шупашкар: Чӑваш АССР государство издательстви, 1956. — 484 с.

Коршунов шӑпланчӗ, вӑл ҫухӑрни сайрарах илтӗнетчӗ, анчах эпӗ пӗлсех тӑтӑм: ку вӑл шанчӑксӑр, часах татӑлма пултаракан шӑплӑх кӑна.

Коршунов притих, реже раздавался его истерический крик, но я знал, что это пока еще ненадежное, хрупкое спокойствие.

21 // Леонид Агаков. Вигдорова Ф.А. Пурнӑҫ ҫулӗ: повесть. — Шупашкар: Чӑваш АССР государство издательстви, 1956. — 484 с.

Анчах Экэчона ҫӑмӑллӑх кӳмерӗ ку шӑплӑх.

Но от этого Экэчо легче не стало.

Ваннӑ чӗлӗм // Тани Юн. Шундик Н.Е. Инҫетри ҫурҫӗрте: повесть. — Шупашкар: Чӑваш АССР государство издательстви, 1960. — 340 с.

Хулара шанчӑксӑр, темскере кӗтесле шӑплӑх йӑпшӑнса тӑрать, таҫта хула тулашӗнче кӑна катка-пичкеҫӗ ӗҫлет: сивӗ сывлӑшра пӗр виҫеллӗн ылмашӑнса, виҫӗ хутчен тата икӗ хутчен панлаттарса, ҫапни илтӗне-илтӗне каять:

Ненадёжная, выжидающая тишина таилась в городе, только где-то на окраине работал бондарь: мерно чередовались в холодном воздухе три и два удара:

Окуров хули // Уйӑп Мишши. Горький М. Окуров хули: повесть. — Шупашкар: Чӑваш АССР государство издательстви, 1956. — 134 с.

Вал тӑнласа тӑчӗ — ҫуртра витӗр витми, никам хускатми шӑплӑх тӑрать, урамран пӗр сас-чӗвӗ те илтӗнмест.

Он прислушался — в доме стояла плотная, непоколебимая тишина, с улицы не доносилось ни звука.

Окуров хули // Уйӑп Мишши. Горький М. Окуров хули: повесть. — Шупашкар: Чӑваш АССР государство издательстви, 1956. — 134 с.

Вӑхӑтне кура каҫхи кӗлле чӗнсе чан ҫапмалла пек, анчах чан сасси илтӗнмест, хулана ҫӳҫ-пуҫ вирелле тӑмалла хӑрушӑ шӑплӑх ҫавӑрса илнӗ, ҫилӗ кӑна, йӗп-йӗпе, пылчӑклӑ ҫӗр ҫумне чӗмсӗррӗн лӑпчӑнса ларнӑ пӳрт-ҫуртсен ҫивиттийӗсем тӑрӑх вӗҫсе ҫаврӑнса ҫӳрет, ассӑн-ассӑн сывлать те шӑхӑрать.

По времени надо бы к вечерне звонить, а колокола не слышно, город облегла жуткая тишина, только ветер вздыхал и свистел, летая над крышами домов, молча прижавшихся к сырой и грязной земле.

Окуров хули // Уйӑп Мишши. Горький М. Окуров хули: повесть. — Шупашкар: Чӑваш АССР государство издательстви, 1956. — 134 с.