Чӑваш чӗлхи корпусӗ

Шырав

Шырав ĕçĕ:

туйӑмӗпе (тĕпĕ: туйӑм) сăмах форми çинчен тĕплĕнрех пăхма пултаратăр.
Роза, вӑрҫӑччен Хӗветӗре асӑрхамасӑрах пурӑннӑскер, юлашки вӑхӑтра час-часах унпа пулма тӑрӑшнине Нина хӗр туйӑмӗпе сиссе илчӗ.

Куҫарса пулӑш

Яла ҫӗнӗ ҫынсем килсен // Алексей Афанасьев. А. А. Афанасьев. Юманлӑх ҫулҫӑ тӑкмарӗ: роман. — Шупашкар: Чӑваш кӗнеке издательстви, 1982. — 288 с.

Анука ачисен ҫак айӑпсӑр вӑййинче вӗсен пулӑслӑхри юратӑвӗн пысӑк туйӑмӗпе туслӑхӗ ҫуралассӑн туйӑнать.

Куҫарса пулӑш

I // Никифор Мранька. Мранька Н.Ф. Ӗмӗр сакки сарлака. Роман. 2-мӗш том. Виҫҫӗмӗш кӑларӑм. Шупашкар: Чӑваш кӗнеке издательстви, 1989. — 592 с.

«Тав курки…» пӗтӗм чунтан юратнӑ туйӑмӗпе Ҫтаппан сӑмахне ӑшӗнче асӑнчӗ Матӗрне.

Куҫарса пулӑш

XXVI // Никифор Мранька. Мранька Н.Ф. Ӗмӗр сакки сарлака. Роман. 2-мӗш том. Виҫҫӗмӗш кӑларӑм. Шупашкар: Чӑваш кӗнеке издательстви, 1989. — 592 с.

Кулинене ҫавӑрса илнӗ хӗрарӑмсем сирӗлчӗҫ, мӗскӗне ҫул парса, шалти туйӑмӗпе ӑнланса илчӗҫ ӗнтӗ вӗсем, салтак арӑмӗ «вилӗм хучӗ» илнине.

Куҫарса пулӑш

Вилӗм йыхравӗ // Николай Сорокин. Сорокин Н.М. Тӑлӑх арӑм минтерӗ. Савнисен романӗ. – Шупашкар: «Ҫӗнӗ Вӑхӑт», 2019. – 216 с.

Кунашкал ҫирӗп йӗрке Пӗчӗк принцӑн чунне савӑнӑҫлӑ тӗлӗнӳ туйӑмӗпе ҫупӑрларӗ.

Маленький принц был восхищен.

X // Юрий Артемьев. Сент-Экзюпери Антуан де. Пӗчӗкҫеҫ принц: аллегориллӗ повесть-юмах. — Шупашкар: Чӑваш кӗнеке издательстви, 2017. — 64 с.

Ҫапах та калаври «конфликт», ӑна кӑштах йӑвашлатнӑ пулин те, ӗлӗкхиех юлать: хӑйсен ирӗкӗпе ҫара килнӗ тӑватӑ ҫынпа Чапаев «тарӑху туйӑмӗпе», «ҫилленсе», «тӳрккессӗнрех», «сиввӗнтереххӗн» калаҫать.

Куҫарса пулӑш

Чапаев ҫинченех… // Василий Долгов. «Тӑван Атӑл». — 1974, 2№ — 65–67 с.

Юнашар тӑрса, трибуна ҫинчи ҫул-пуҫсене, иртсе пыракан колоннӑсене курса савӑнтӑмӑр, ҫӗнӗ пултарулӑх туйӑмӗпе хавхалантӑмӑр.

Куҫарса пулӑш

Савӑнӑҫ // Влас Паймен. «Тӑван Атӑл». — 1974, 2№ — 50–65 с.

«Парти, — тенӗ ҫӗнӗ Программӑра, — литературӑна, искусствӑна, культурӑна аталантарма, кашни ҫынна харпӑр хӑй пултарулӑхне кӑтартмашкӑн пур условисем те туса пама, мӗн пур ӗҫ ҫыннисене эстетикӑ енӗпе воспитани пама, халӑхӑн илемлӗх туйӑмӗпе пысӑк культурӑ хӑнӑхӑвӗсене йӗркелесе пыма яланах тӑрӑшӗ. Илемлӗх ӗҫлеве татах та ытларах хавхалантарӗ, пурнӑҫа хитрелетӗ, этеме ырӑ туйӑмсем парӗ».

Куҫарса пулӑш

Коммунизм культури // И.А. Маркелов. «Тӑван Атӑл». — 1962, 2(95)№ — 80-88 с.

Нумай пурӑнмарӑм Вавилпа, ҫапах чун-чӗреме ӗмӗрлӗхе юрату туйӑмӗпе тултартӑм.

Куҫарса пулӑш

VI // Лаврентий Таллеров. Таллеров Л.В. Сӑпка юрри: повеҫсем, калавсем тата очерксем. Чӑваш кӗнеке издательстви. Шупашкар, 1979 ҫ. — 400 с. — 254–305 с.

Тӗрӗссипе илсен, произведенин содержанийӗ вӑл — ҫаппа-ҫарамас шухӑш мар, ҫаппа-ҫарамас идеологи мар, вӑл эстетикӑлла пафоспа, чун хавалӗпе, чӗре туйӑмӗпе витӗр витнӗ шухӑшсен, ӑнланусен «ҫыххи».

Куҫарса пулӑш

Дмитрий Исаев ҫырӑвӗсене вуласан... // Василий Долгов. «Тӑван Атӑл». — 1962, 2(95)№ — 97-99 с.

Эпир Тарзан хӑюлӑхӗпе «хӑмпӑланса», ун ирӗклӗх туйӑмӗпе хыпӑнса илӗхме васкаса, ҫиччӗ виҫкелесе, ӑна-кӑна тимлесе тӑмарӑмӑр — кама мӗнли лекнӗ, ҫав ҫамрӑк ҫӗмӗрт вуллине ярса тытрӑмӑр та, тураттисенчен ҫакӑнкаласа, вӗсем ҫине апла-капла, ылма-тӗлме пускаласа, ҫӳлелле улӑха пуҫларӑмӑр.

Куҫарса пулӑш

Выляма та ӑс кирлӗ // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 143–160 с.

Хальхинче Магаев, туйӑмӗпе чӑха таптакан автана ҫаврӑнма ӗлкӗрнӗскер, куҫне Людмила ҫырни ҫине шикленсе, анчах юн шӑршипе тилӗрсе кайнӑ кашкӑр пек сиктерчӗ, хыҫҫӑнах сӑн-питне мӗскӗнле парӑннӑ, хӗрхӳ, сумсӑра юлнӑ кулӑ туртӑнса тухрӗ те лумпа хирсе те хӑйпӑтайми хытса ларчӗ.

Куҫарса пулӑш

Пӗрремӗш экзамен // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 70–96 с.

Чун-чӗре тинех лӑпланчӗ, шиклӗхе, мӗскӗнлӗхе сирсе, вӑл савӑнӑҫ, мӑнаҫлӑх туйӑмӗпе ҫунатланса илчӗ, хӑюлӑх шерпечӗпе тулса ларчӗ, ача чухнехилле, тӑван анне ытамне пашлатнӑн туйса, ачашланса йӑшассӑм килчӗ.

Куҫарса пулӑш

Вӑрттӑн сыхлавҫӑ // Василий Сипет. Сипет В.Н. Калавсем. — Шупашкар, «Пегас» издательство ҫурчӗ, 2019. — 224 с. 36–70 с.

Вӑл ар туйӑмӗпе ҫыхӑнман.

Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

Вертихвостов вара, «чӗресӗр юрату» туйӑмӗпе канӑҫне ҫухатса, чӑтӑмсӑр пӑлханса кайнӑскер, хӑй «сехетне» кӗтсе илчӗ пулас: никампа та сӑмах-юмах сутти туса тӑмарӗ — саккӑрмӗш класрах ял клубӗн киномеханикӗпе «тупйытӑлла» выляса хӗр чысне вараланӑ лапчашка кӗлеткеллӗ Сидорова Елизаветӑна, ытла та ҫӑмӑл тумлӑскере, астаруллӑ куллине ҫурхи кӗсре кӗҫеннӗ пек кустара-кустара яракан йӑкӑл-якӑла, хул хушшинчен ҫӑватрӗ те, шӑлне тӗрсӗр йӗрсе, ҫывӑхри пӗве ҫыранӗнче ашкӑрса ӳсекен хӑвалӑх патнелле талкӑштарса уттарчӗ.

Куҫарса пулӑш

Хӑлхасӑр, куҫсӑр вӑрманта // Василий Сипет. Сипет В. Хӑлхасӑр, куҫсӑр вӑрманта: повесть. — Шупашкар, «Пегас» издательство ҫурчӗ, 2017. — 196 с.

7. Ача хӑрушсӑрлӑх туйӑмӗпе пурӑнать пулсан — вӑл ӗненме вӗренет.

7. Если ребенок живет с чувством безопасности — он учится верить.

Мария Монтессори ашшӗ-амӑшӗсем валли ҫырнӑ канашсем // Чӑвашла шухӑшла. https://t.me/chushu/1249

Хӑйӗн надзирателле ҫивӗч туйӑмӗпе Стурза ҫак шӑплӑхра темскерле ӑнланмалла мар сасӑ хӑйранса илтӗннине ҫийӗнчех сисрӗ, куҫӗсемпе хӑвӑрт-хӑвӑрт тӗрлӗ еннелле пӑха-пӑха илчӗ.

Своим надзирательским нюхом уловив в этой тишине нечто необычное, Стурза так и забегал глазами по сторонам.

Пӗрремӗш сыпӑк // Аркадий Малов. Шляху С. Ваня юлташ: повесть. — Шупашкар, Чӑваш АССР Государство кӗнеке издательстви, 1958. — 210 с.

Кӗтерук, ӑстӑнӗ тавҫӑрнипе мар, чӗри туйӑмӗпе Якур ӑна урӑх еннелле ҫавӑтса кайнине сиссе, чарӑнса тӑчӗ.

Куҫарса пулӑш

XXI // Никифор Мранька. Мранька Н.Ф. Ӗмӗр сакки сарлака. Роман. 1-мӗш том. Виҫҫӗмӗш кӑларӑм. Шупашкар: Чӑваш кӗнеке издательстви, 1989. — 592 с.

Кашни залпӗ вӑрнарсен чӗрине паттӑрлӑх туйӑмӗпе хӑпартлантарчӗ.

Куҫарса пулӑш

Паттӑрлӑх туйӑмӗпе мӑнаҫлантарчӗ // Светлана ЧИКМЯКОВА. http://putpobedy.ru/publikatsii/10674-pa ... aclantarch

Хальхи ҫӑмӑл мар вӑхӑтра ветерансен обществӑлла ушкӑнӗсем ентешсене патриотлӑх туйӑмӗпе, пӗр шухӑшлӑхпа пӗрлештерме пысӑк тӳпе хывнине куратпӑр.

Куҫарса пулӑш

Чи хастаррисен йышӗнче // Ирина ЯКОВЛЕВА. http://putpobedy.ru/publikatsii/11511-ch ... -jysh-nche

Страницăсем:

Меню

 

Статистика

...тĕплӗнрех