Чӑваш чӗлхин икчӗлхеллӗ ҫӳпҫи

Текст: Пс 29

Пай: Библи –> Псалтирь

Автор: Библи

Ҫӑлкуҫ: Раҫҫей Библи пӗрлӗхӗ. Библи. — Санкт-Петербург.:2009. 1567 с.

Хушнӑ: 2016.04.16 21:11

Пуплевӗш: 16; Сӑмах: 168

Текст тӗсӗ: Тӗн

Вырӑсла Тема: Тӗн

1. Давид псаломӗ. Ҫурт хӑтланӑ чухне юрламалли юрӑ.

2. Эй Ҫӳлхуҫа, Сана аслӑласа мухтам: Эсӗ мана ҫӗклерӗн,
тӑшманӑмсене ман тӗлӗшӗмрен савӑнмалла тумарӑн.

3. Эй Ҫӳлхуҫа, эй Туррӑм! Сана тархасларӑм та —
Эсӗ мана сыватрӑн.

4. Эй Ҫӳлхуҫа! Эсӗ манӑн чунӑма тамӑкран кӑлартӑн,
мана чӗрӗ хӑвартӑн, вилсе шӑтӑка кӗресрен хӑтартӑн.

5. Эй Ҫӳлхуҫанӑн сӑваплӑ ҫыннисем, Ӑна мухтаса юрлӑр,
Унӑн сӑваплӑхне асӑнса аслӑлӑр:
6. Унӑн ҫилли — саманта анчах,
ырӑ сунни — ӗмӗр тӑршшӗне:
каҫхине йӗртет,
ирхинех савӑнтарать.

7. Хам ырӑ курса пурӑннӑ чухне каларӑм:
«ӗмӗрне те такӑнассӑм ҫук» терӗм.

8. Эй Ҫӳлхуҫа, Ху кӑмӑл тунипе
Эсӗ мана тӗреклӗ ту ҫине тӑратрӑн;
анчах Хӑвӑн сӑнна манран пытартӑн та —
эпӗ аптӑрасах ӳкрӗм.

9. Эй Ҫӳлхуҫа, вара Сана тархасларӑм,
[хамӑн] Ҫӳлхуҫама йӑлӑнтӑм:
10. «манӑн юнӑм тӑкӑннинчен,
эпӗ вилсе шӑтӑка кӗнинчен мӗн усси?

Сана вилтӑпри мухтӗ-и?

Санӑн чӑнлӑхна ҫавӑ пӗлтерсе тӑрӗ-и?
11. эй Ҫӳлхуҫа, илтсемччӗ мана, хӗрхенсемччӗ мана;
эй Ҫӳлхуҫа! мана пулӑшаканӗ пулсамччӗ» терӗм.

12. Вара куҫҫуль вырӑнне Эсӗ мана хаваслӑх патӑн,
ман ҫийӗмрен хуйхӑ тумтирне хывса илтӗн,
мана савӑнӑҫ тумтирӗ тӑхӑнтартрӑн,
13. чунӑм Сана мухтаса тӑтӑр, мухтама ан чарӑнтӑр.

Эй Ҫӳлхуҫа, эй Туррӑм! ӗмӗр Сана аслӑласа пурӑнам.

Мухтав:

Меню

 

Статистика

...тĕплӗнрех