Чӑваш чӗлхин икчӗлхеллӗ ҫӳпҫи

Текст: Иов 36

Пай: Библи –> Иов кӗнеки

Автор: Библи

Ҫӑлкуҫ: Раҫҫей Библи пӗрлӗхӗ. Библи. — Санкт-Петербург.:2009. 1567 с.

Хушнӑ: 2016.04.16 11:42

Пуплевӗш: 26; Сӑмах: 334

Текст тӗсӗ: Тӗн

Вырӑсла Тема: Тӗн

1. Елиуй малалла каланӑ:
2. кӑштах тӑхта-ха — курӑн акӑ:
Турӑ ҫинчен каламалли татах пур-ха манӑн.

3. Сӑмахӑма инҫетрен пуҫлам,
хама Пултараканӑм ҫинчен тивӗҫлине калам:
4. манӑн сӑмахӑм чӑнах та суя мар:
санӑн умра — чӑннине пӗлекен.

5. Турӑ — хӑватлӑ, Вӑл никамран та йӗрӗнмест,
Вӑл ӑслӑлӑхпа хӑватлӑ;
6. Вӑл ҫылӑхлисен хутне кӗмест,
хурлӑх тӳсекенсене тивӗҫлине тавӑрса парать;
7. Турӑ тӳрӗ ҫынсене тӳртӗн тӑмасть,
вӗсене патша вырӑнне лартать,
ӗмӗрлӗхе асла кӑларать.

8. Эхер те вӗсене сӑнчӑрпа сӑнчӑрланӑ пулсассӑн,
вӗсене хӗн-хур тӑлли тӑлланӑ пулсассӑн,
9. Вӑл вӗсене хӑйсен йӗркесӗр ӗҫӗсене кӑтартса парать,
мӗншӗн тесессӗн ҫав ӗҫсем нумайланнӑ.

10. Усаллӑхран пӑрӑнччӑр тесе,
ӑса кӗртмешкӗн вӗсенӗн хӑлхине уҫать.

11. Ӑна итлесе Уншӑн ӗҫлесе тӑрсассӑн,
пурӑнан кунӗсене ырӑ курса,
ӗмӗрне савӑнса ирттерӗҫ;
12. итлемесессӗн, вӗсене ҫӗмрен хирсе тухӗ,
вӗсем хӑйсен ӑссӑрлӑхӗпех пӗтӗҫ.

13. Анчах икӗ питлӗ ҫынсем чӗринче ҫилӗ тытаҫҫӗ,
Турӑ хӑйсене сӑнчӑрласа лартнӑ чухне Ӑна тархасламаҫҫӗ;
14. ҫавӑнпа вӗсем ҫамрӑклах вилеҫҫӗ,
вӗсен ӗмӗрӗ аскӑнчӑксемпе пӗрле пӗтет.

15. Турӑ мӗскӗне асапран хӑтарать,
пусмӑрлӑхра хӑлхине уҫать.

16. Вӑл сана та хӗсӗклӗхрен
ирӗклӗхе кӑларӗччӗ, унта йывӑр пулмӗччӗ,
сӗтелӳ тулли апат-ҫимӗҫ пулӗччӗ;
17. эсӗ ӗнтӗ йӗркесӗр ҫынсене урӑм-сурӑм питлетӗн:
питленипе айӑплани юнашарах вӑл.

18. Асту, сана Турӑ ҫилли ҫитсе ан ҫаптӑр!

Сана пысӑк тӳлев ҫӑлса хӑвараймӗ.

19. Вӑл сан пуянлӑхна хака хурӗ-и?

Ҫук, ылтӑнна та, ытти мулна та ним хака та хумӗ.

20. Халӑхсене хӑйсен вырӑнӗнчех
пӗтерес каҫа ан кӗт эсӗ.

21. Асту, усаллӑх еннелле ан сулӑн —
асапсене сана ахаль мар ярса панӑ.

22. Турӑ Хӑйӗн хӑвачӗпе аслӑ,
Ун пек вӗрентекен кам пултӑр?

23. Ӑна Хӑйӗн ҫулне кам кӑтартӗ,
кам Ӑна: «Эсӗ тӗрӗс мар тӑватӑн» теме пултарӗ?

24. Унӑн этем мухтакан ӗҫӗсене
мухтаса аслӑлассине астусах тӑр.

25. Вӗсене пур ҫын та курма пултарать,
этем вӗсене аякранах курса тӗлӗнет.

26. Ҫапла, Турӑ аслӑ, эпир Ӑна пӗлсе ҫитеес ҫук;
Унӑн ҫулӗсен хисепне пӗлеес ҫук.

27. Вӑл тумламӑн-тумламӑн шыв пухать;
пухӑнса ҫитсессӗн шывӗ ҫумӑр пулса ҫӑвать:
28. пӗлӗтрен тӑкӑнса
ҫынсем ҫине ытлӑн-ҫитлӗн ҫӑвать.

29. Пӗлӗтсем мӗн талккӑш сарӑлса выртнине,
Турӑ чатӑрӗ кӗмсӗртетнине кам ӑнкарса илейтӗр?

30. Акӑ Вӑл ун ҫийӗн Хӑйӗн ҫутине сарать,
тинӗс тӗпне ҫитиех ҫутатать.

31. Ҫавӑнтан Вӑл халӑхсене сут туса тӑрать,
ҫавӑнтан тулӑх ҫимӗҫ парать.

32. Вӑл Хӑй аллинче ҫиҫӗм тытса тӑрать,
кама аҫа ҫапмаллине тӗллесе кӑтартать.

33. Ун ҫинчен аслати сасси пӗлтерет;
ӑна выльӑх-чӗрлӗх те туять.

Меню

 

Статистика

...тĕплӗнрех